ടൊറന്റോ: സ്കാർബ്റോയിൽ വെടിവെപ്പ് നടന്നതായി റിപ്പോർട്ട്. ഞായറാഴ്ച പുലർച്ചെ വോർഡൻ അവന്യൂ–ലോറൻസ് അവന്യൂ ഈസ്റ്റ് മേഖലയിലെ വാണിജ്യ സ്ഥാപനത്തിന് സമീപമാണ് സംഭവം.
പുലർച്ചെ നാല് മണിയോടെയാണ് തോക്കുമായി ഒരാൾ എത്തിയെന്ന വിവരത്തെ തുടർന്ന് ടൊറന്റോ പൊലീസ് സ്ഥലത്തെത്തിയത്. പരിശോധനയിൽ വെടിയുതിർത്തതിന്റെ തെളിവുകൾ കണ്ടെത്തിയതായി പൊലീസ് അറിയിച്ചു. സംഭവത്തിൽ സമീപത്ത് പാർക്ക് ചെയ്തിരുന്ന ഒരു വാഹനത്തിനും കേടുപാടുകൾ സംഭവിച്ചിട്ടുണ്ട്.
സംഭവത്തിന് പിന്നാലെ പ്രതികൾ ഇളംനിറത്തിലുള്ള വാഹനത്തിൽ പ്രദേശത്തുനിന്ന് രക്ഷപ്പെട്ടിരിക്കാമെന്നാണ് പൊലീസിന്റെ പ്രാഥമിക നിഗമനം. എന്നാൽ പ്രതികളെക്കുറിച്ച് കൂടുതൽ വിവരങ്ങൾ ലഭ്യമായിട്ടില്ല.
സംഭവത്തിൽ ആർക്കും പരുക്കേറ്റതായി റിപ്പോർട്ടില്ല. പൊലീസ് അന്വേഷണം തുടരുകയാണ്. സംഭവത്തെക്കുറിച്ച് വിവരമുള്ളവർ പൊലീസിനെ ബന്ധപ്പെടണമെന്ന് അധികൃതർ അറിയിച്ചു.
