വാഷിങ്ടണ്‍: വിവാദങ്ങളെത്തുടര്‍ന്ന് എന്‍വിഡിയ (Nvidia) സിഇഒ ജെന്‍സെന്‍ ഹുവാങ്ങിനെ സ്ഥാനത്തുനിന്ന് മാറ്റുകയാണെങ്കില്‍ അദ്ദേഹത്തെ ജോലിക്കെടുക്കാന്‍ തയ്യാറാണെന്ന് വ്യവസായി ഇലോണ്‍ മസ്‌ക്. എന്‍വിഡിയ മേധാവിയെ തന്റെ സ്ഥാപനത്തിലേക്ക് ക്ഷണിക്കുന്നത് വലിയൊരു ആദരമായി കാണുന്നുവെന്നും മസ്‌ക് എക്‌സ് (X) പ്ലാറ്റ്ഫോമിലൂടെ വ്യക്തമാക്കി. ഹുവാങ്ങിനെ ജോലിക്കെടുക്കണമെന്ന ഒരു എക്‌സ് ഉപയോക്താവിന്റെ നിര്‍ദ്ദേശത്തോട് പ്രതികരിക്കുകയായിരുന്നു അദ്ദേഹം.
ചൈനീസ് വനിതയുമായുള്ള ബന്ധത്തിന്റെ പേരില്‍ ഹുവാങ്ങിനെ സിഇഒ സ്ഥാനത്തുനിന്ന് മാറ്റാന്‍ എന്‍വിഡിയ ഡയറക്ടര്‍ ബോര്‍ഡ് നീക്കം തുടങ്ങിയെന്ന റിപ്പോര്‍ട്ടുകള്‍ക്കിടെയാണ് മസ്‌കിന്റെ ഈ നിര്‍ണ്ണായക പ്രതികരണം. പുതിയ മേധാവിയെ നിയമിക്കുന്നത് സംബന്ധിച്ച ചര്‍ച്ചകള്‍ കമ്പനിയില്‍ സജീവമാണെന്നാണ് സൂചന.
ചൈനീസ് ചാരവനിതയെന്ന് യുഎസ് അധികൃതര്‍ സംശയിക്കുന്ന ആലിസ് ഹുവാങ്ങുമായുള്ള വിവാഹേതര ബന്ധം പുറത്തായതോടെയാണ് ലോകത്തെ പ്രമുഖ എഐ ചിപ്പ് നിര്‍മ്മാതാക്കളായ എന്‍വിഡിയ പ്രതിസന്ധിയിലായത്. സംഭവത്തില്‍ ഹുവാങ് തന്റെ ഭാര്യയോടും കുടുംബത്തോടും സഹപ്രവര്‍ത്തകരോടും പരസ്യമായി ക്ഷമാപണം നടത്തിയിരുന്നു. ഇതിന് പിന്നാലെ എന്‍വിഡിയ ബോര്‍ഡ് സ്വതന്ത്ര അന്വേഷണം പ്രഖ്യാപിക്കുകയും ചെയ്തു. നിയന്ത്രണങ്ങളുള്ള എഐ ചിപ്പുകള്‍ ചൈനയിലേക്ക് എത്തിയതുമായി ബന്ധപ്പെട്ട ഇടപാടുകളിലും അന്വേഷണം പുരോഗമിക്കുന്നുണ്ട്.
വിവാദങ്ങള്‍ കമ്പനിയുടെ ഓഹരി വിപണിയിലും കനത്ത ഇടിവുണ്ടാക്കിയിട്ടുണ്ട്. അതേസമയം, ചാരപ്രവര്‍ത്തനമോ കമ്പനിയുടെ രഹസ്യവിവരങ്ങള്‍ ചോര്‍ന്നതോ സംബന്ധിച്ച് ഇതുവരെ പരസ്യമായ തെളിവുകളൊന്നും ലഭിച്ചിട്ടില്ല. യുഎസ് ഉന്നയിക്കുന്ന ആരോപണങ്ങള്‍ ചൈനയും ഔദ്യോഗികമായി നിഷേധിച്ചിട്ടുണ്ട്.
