ടൊറന്റോ ഫ്രഞ്ച് ഭാഷാ സ്കൂൾ ട്രസ്റ്റി തിരഞ്ഞെടുപ്പ്; അഡ്വാൻസ് വോട്ടിംഗ് ആരംഭിച്ചു

ടൊറന്റോയിലെ രണ്ട് ഫ്രഞ്ച് ഭാഷാ സ്കൂൾ ട്രസ്റ്റികൾക്കുള്ള ഉപതെരഞ്ഞെടുപ്പിൽ അഡ്വാൻസ്ഡ് വോട്ടിംഗ് ആരംഭിച്ചു. ഫ്രഞ്ച് പബ്ലിക് ബോർഡിൽ സിഎസ് വയാമോണ്ടെ, ഫ്രഞ്ച് കാത്തലിക് ബോർഡ് സിഎസ് മോൺഅവെനീർ എന്നിവയിലേക്കുള്ള തിരഞ്ഞെടുപ്പ് കഴിഞ്ഞ മുനിസിപ്പൽ തിരഞ്ഞെടുപ്പിന് ദിവസങ്ങൾക്ക് മുമ്പ്, ടൊറന്റോയിലെ സിറ്റി ക്ലർക്ക് ജോൺ ഡി. എൽവിഡ്ജ് റദ്ദാക്കിയിരുന്നു. ഇതേ തുടർന്നാണ് ഇപ്പോൾ തിരഞ്ഞെടുപ്പ് നടക്കുന്നത്.

അജിൻകോർട്ട് റിക്രിയേഷൻ സെന്റർ (ആർസി), 31 ഗ്ലെൻ വാറ്റ്ഫോർഡ് ഡോ. ബ്രോഡ്‌ലാൻഡ്‌സ് കമ്മ്യൂണിറ്റി സെന്റർ (CC), 19 കാസിൽഗ്രോവ് Blvd.; ഈസ്റ്റ് യോർക്ക് CC, 1081 ½ Pape Ave.; ഹെറോൺ പാർക്ക് സിസി, 292 മാൻസെ റോഡ്.; റീജന്റ് പാർക്ക് സിസി, 402 ഷട്ടർ സെന്റ്; ട്രിനിറ്റി കമ്മ്യൂണിറ്റി ആർസി, 155 ക്രോഫോർഡ് സെന്റ്, വാർഡൻ ഹിൽടോപ്പ് സിസി, 25 മെൻഡൽസോൺ സെന്റ് എന്നീ ഏഴ് സ്ഥലങ്ങളിൽ ഇന്ന് മുതൽ രാവിലെ 10 മുതൽ വൈകിട്ട് 6 വരെ ആളുകൾക്ക് മുൻകൂട്ടി വോട്ട് ചെയ്യാം.

ജനവരി 23 തിങ്കളാഴ്ചയാണ് തിരഞ്ഞെടുപ്പ് ദിവസം. അന്ന് രാവിലെ 10 മുതൽ രാത്രി 8 വരെ മേൽപ്പറഞ്ഞ സ്ഥലങ്ങളിലും നിരവധി ലോങ്ങ് ടെം , റിട്ടയർമെന്റ് ഹോമുകളിലും വോട്ടുകൾ ചെയ്യാം.

വാർഡ് 3-ൽ റിച്ചാർഡ് കെംപ്ലർ, പിയറി ലെർമുസിയൂക്സ്, അഡ്രിയാൻ മാൻസാർഡ്, അലക്സാണ്ടർ നാനോഫ്, സെർജ് പോൾ, അന്ന-കരിന റസ്‌കോവ്‌സ്‌കി, മേരി വുഡ് എന്നീ ഏഴ് സ്ഥാനാർത്ഥികളാണ് മത്സരിക്കുന്നത്. ടൊറന്റോ ഈസ്റ്റ് വാർഡ് 4-ൽ ആകെ മൂന്ന് സ്ഥാനാർത്ഥികൾ മാത്രമാണ് മത്സരരംഗത്തുള്ളത്. റിയ ഡെച്ചെയ്ൻ, റെജിസ് ജോസഫ്, വലേരി റൂസോ എന്നിവരാണ് ഇവിടെ മത്സരിക്കുന്നത്.