ഒട്ടാവ : അടുത്ത വർഷം പകൽ സമയം സ്ഥിരമാക്കുകയും ദീർഘകാല ദ്വി-വാർഷിക ഫ്ലിപ്പിന് അറുതി വരുത്തുകയും ചെയ്യുന്നതിനായി ചൊവ്വാഴ്ച നടന്ന ഏകകണ്‌ഠേനയുള്ള വോട്ടെടുപ്പിൽ, യുഎസ് സെനറ്റ് സൺ‌ഷൈൻ പ്രൊട്ടക്ഷൻ ആക്‌റ്റ് എന്ന ബിൽ പാസാക്കി.
പുതിയ ബില്ലിന്റെ നിയമനിർമ്മാണത്തിന് ജനപ്രതിനിധിസഭയുടെ അംഗീകാരം ആവശ്യമാണെങ്കിലും, അതേ സമയ മേഖലയിൽ അമേരിക്കൻ സംസ്ഥാനങ്ങളുടെ നേതൃത്വം പിന്തുടരാൻ കാത്തിരിക്കുന്ന കനേഡിയൻ പ്രവിശ്യകൾ ഈ നീക്കത്തെ ശുഭാപ്തിവിശ്വാസത്തോടെ സ്വാഗതം ചെയ്യുന്നു.
ബ്രിട്ടീഷ് കൊളംബിയ 2019-ൽ പകൽ സമയ ക്രമത്തേക്ക് സ്ഥിരമായി മാറാൻ നിയമം പാസാക്കിയിരുന്നു. എന്നാൽ വാഷിംഗ്ടൺ, ഒറിഗൺ, കാലിഫോർണിയ എന്നിവയുമായി മാറ്റം വരുത്താൻ പ്രവിശ്യ ആഗ്രഹിക്കുന്നതിനാൽ തീയതി നിശ്ചയിച്ചില്ല. മൂന്ന് വെസ്റ്റ് കോസ്റ്റ് സംസ്ഥാനങ്ങളും പകൽ സമയങ്ങളിൽ സ്ഥിരമായി തുടരുന്നതിന് സ്വന്തം ബില്ലുകൾ പാസാക്കി.
പ്രവിശ്യ ഇപ്പോൾ “ഒരിക്കൽ എന്നെന്നേക്കുമായി മാറ്റങ്ങൾ ഒഴിവാക്കി സ്ഥിരമായ ഡേലൈറ്റ് സേവിംഗ് സമയതെക്കു മാറും,” യു.എസ് സെനറ്റിന്റെ അംഗീകാരത്തോട് പ്രതികരിച്ച് ബ്രിട്ടീഷ് കൊളംബിയ പ്രീമിയർ ജോൺ ഹോർഗൻ പറഞ്ഞു.
2020-ൽ, ഒന്റാറിയോ “സമയ ഭേദഗതി നിയമം” എന്ന പേരിൽ ഒരു സ്വകാര്യ അംഗ ബിൽ ഏകകണ്ഠമായി അവതരിപ്പിക്കുകയും പാസാക്കുകയും ചെയ്തു. ആ ബിൽ പകൽ ലാഭിക്കുന്ന സമയം വർഷം മുഴുവനും സ്ഥിരമാക്കുന്നതിന് സമയ നിയമം ഭേദഗതി ചെയ്തു.
ഡേലൈറ്റ് സേവിംഗ് ബിൽ നിർദ്ദേശിച്ച ഒന്റാറിയോ എംപിപി ജെറമി റോബർട്ട്സ്, യുഎസ് സെനറ്റിന്റെ അംഗീകാരം “ഒരു വലിയ മുന്നേറ്റം” ആണെന്ന് പറഞ്ഞു. “ഞങ്ങൾ യു‌എസിന്റെ പുരോഗതി വളരെ അടുത്ത് പിന്തുടരാൻ പോകുന്നു,” റോബർട്ട്സ് പറഞ്ഞു.
സമയ ഭേദഗതി നിയമം ന്യൂയോർക്ക് സ്റ്റേറ്റിലും ക്യൂബെക്കിലും വരുന്നതിന് വ്യവസ്ഥാപിതമാണെന്നും അദ്ദേഹം പറഞ്ഞു.
“ക്യുബെക്കിനെ നിയമത്തിൽ ഉൾപ്പെടുത്താതെ ഞങ്ങൾ നിയമനിർമ്മാണം നടപ്പിലാക്കിയാൽ പകുതി ഫെഡറൽ ഗവൺമെന്റ് ഒരു സമയത്തും പകുതി മറുവശത്തും ഉള്ള ഒരു വിചിത്രമായ സാഹചര്യം സംജാതമാകും. ആളുകൾക്ക് മീറ്റിംഗുകളും ഫോൺ കോളുകളും നഷ്‌ടമാകും, ”റോബർട്ട്സ് പറഞ്ഞു.
“ഇന്നത്തെ യുഎസ് സെനറ്റിന്റെ ഈ നീക്കം ക്യൂബെക്കിനെയും ബോർഡിലേക്ക് കൊണ്ടുവരാൻ ഞങ്ങൾക്ക് കുറച്ച് ആക്കം നൽകുമെന്ന് പ്രതീക്ഷിക്കുന്നു.”
ക്യൂബെക്ക് ഗവൺമെന്റ് സമയമാറ്റം ഒഴിവാക്കുന്നത് സ്വീകാര്യമാണെന്ന് സൂചിപ്പിച്ചു, എന്നാൽ “ചർച്ചകൾ ആവശ്യമാണ്,” പ്രവിശ്യയിലെ നീതിന്യായ മന്ത്രിയുടെ വക്താവ് പറഞ്ഞു.
“ക്യുബെക്കിന് ഒറ്റയ്ക്ക് മുന്നോട്ടു പോകാൻ കഴിയില്ല. ഞങ്ങൾ മുന്നോട്ട് പോകണമെങ്കിൽ, ഒന്റാറിയോ പോലുള്ള മറ്റ് അയൽ സംസ്ഥാനങ്ങൾ ക്യൂബെക്കുമായി യോജിച്ച പ്രവർത്തനം നടത്തേണ്ടതുണ്ട്, ”എലിസബത്ത് ഗോസെലിൻ പറഞ്ഞു.
വിവാദവിഷയം
കാനഡയിൽ വർഷങ്ങളായി ക്ലോക്കുകളുടെ മാറ്റം ഒരു വിവാദ വിഷയമായി മാറിയിരിക്കുന്നു.
നിലവിൽ, യുകോണും സസ്‌കാച്ചെവാനിലെ ഭൂരിഭാഗവും മാത്രമാണ് സ്ഥിരമായ പകൽ സമയ ക്രമം പിന്തുടരുന്നത്.
ഡേലൈറ്റ് സേവിംഗ് ടൈമിന്റെ പിന്നിലെ ആശയം ഊർജം സംരക്ഷിക്കുക, വസന്തകാലത്തും വേനൽക്കാലത്തും ദിവസങ്ങൾ കൂടുതലുള്ളപ്പോൾ പകൽ വെളിച്ചം നന്നായി ഉപയോഗിക്കുക എന്നതാണ്.
കഴിഞ്ഞ വർഷം ആൽബർട്ടയിലെ മുനിസിപ്പൽ തെരഞ്ഞെടുപ്പിലും സമയമാറ്റം സംബന്ധിച്ച വിഷയം മുന്ഗണനയിൽ ഉണ്ടായിരുന്നു.
പകൽ സമയ ക്രമം ശാശ്വതമാകുന്നതിന് മുമ്പ് യുഎസിൽ ചില തടസ്സങ്ങൾ നീക്കാനുണ്ടെങ്കിലും, അത് അവിടെ നിയമമായി പാസാക്കിയാൽ, ബ്രിട്ടീഷ് കൊളംബിയയിലെങ്കിലും മാറ്റം ഉടനടി ഉണ്ടാകുമെന്ന് സൈമൺ ഫ്രേസർ സർവകലാശാലയിലെ പൊളിറ്റിക്കൽ സയൻസിലെ അധ്യാപകനായ സ്റ്റുവർട്ട് പ്രെസ്റ്റ് പറഞ്ഞു.
“ഇത് കോൺഗ്രസ് തലത്തിലാണ് സംഭവിക്കുന്നതെങ്കിൽ, പ്രധാനമായും ബ്രിട്ടീഷ് കൊളംബിയയിലെ മന്ത്രിസഭ അത് പ്രാബല്യത്തിൽ വരുത്തുന്നതിന് ആവശ്യമായ ഏതെങ്കിലും നിയന്ത്രണ മാറ്റങ്ങൾ വരുത്താൻ അധികാരം നൽകും, ”അദ്ദേഹം പറഞ്ഞു.
“എന്നാൽ മറ്റൊരു പ്രവിശ്യ അത്തരമൊരു നിയമനിർമ്മാണം നടത്തിയില്ലെങ്കിൽ, അവർ ഇനിയും മുന്നോട്ട് പോയി അവരുടെ നിയമനിർമ്മാണം മാറ്റേണ്ടതുണ്ട്,” പെർസ്റ്റ് കൂട്ടിച്ചേർത്തു.
കനേഡിയൻ സൊസൈറ്റി ഫോർ ക്രോണോബയോളജി വർഷം മുഴുവനും സ്റ്റാൻഡേർഡ് സമയത്തിലേക്ക് സ്ഥിരമായി മാറാൻ ശുപാർശ ചെയ്യുന്നു. “ഏറ്റവും മികച്ച തിരഞ്ഞെടുപ്പ് ഞങ്ങൾ വർഷം മുഴുവനും സ്റ്റാൻഡേർഡ് സമയത്ത് പോകുന്നതാണ്,” സിഎസ്‌സി അംഗവും ക്രോണോബയോളജിയിൽ വിദഗ്ധയുമായ പട്രീഷ്യ ലക്കിൻ-തോമസ് പറഞ്ഞു.
