ഒട്ടാവ : “ഫ്രീഡം കോൺവോയ്” പ്രതിഷേധത്തിന് പിന്നിലെ സംഘാടകരിലൊരാളായ പാറ്റ് കിംഗ്, തന്റെ കോടതി ഹാജർ തത്സമയം സംപ്രേക്ഷണം ചെയ്യുന്ന ആളുകളിൽ നിരാശ പ്രകടിപ്പിച്ചു.
തിങ്കളാഴ്ച ഹാജരായപ്പോൾ, പ്രസിദ്ധീകരണ നിരോധനം നടപ്പിലാക്കണമെന്ന് അദ്ദേഹം അഭ്യർത്ഥിച്ചു. “സഹപ്രതികളെ” പരാമർശിച്ച് സോഷ്യൽ മീഡിയയിൽ ഹിയറിംഗുകൾ നടത്തുന്നുവെന്നും അദ്ദേഹം പറഞ്ഞു. വിവിധ ഹൈ-പ്രൊഫൈൽ കോൺവോയ് പങ്കാളികൾക്കായി കോടതി നടപടികൾ ലൈവ് സ്ട്രീം ചെയ്യുന്നതായി ആരോപിക്കപ്പെട്ട നിരവധി സംഭവങ്ങളുണ്ട്. അത് നിയമവിരുദ്ധമാണ്.
കോടതിയിലെ സൂം മീറ്റിംഗിലെ 150 ഓളം ആളുകളെ, ഏതെങ്കിലും നടപടിക്രമങ്ങൾ റെക്കോർഡു ചെയ്യുകയോ പ്രക്ഷേപണം ചെയ്യുകയോ പുനഃസംപ്രേക്ഷണം ചെയ്യുകയോ ചെയ്യുന്നത് കുറ്റകരമാണെന്ന് ജസ്റ്റിസ് ഓഫ് ദി പീസ് സ്റ്റീഫൻ ഡിബ്ലി ഓർമ്മിപ്പിച്ചു.
44-കാരനായ കിംഗ്, തെറ്റായ പെരുമാറ്റം, ദ്രോഹം ചെയ്യാൻ കൗൺസിലിംഗ്, കോടതി ഉത്തരവ് അനുസരിക്കാത്ത കുറ്റം ചെയ്യാൻ കൗൺസിലിംഗ്, നീതി തടസ്സപ്പെടുത്താൻ കൗൺസിലിംഗ് എന്നീ കുറ്റങ്ങളാണ് നേരിടുന്നത്.
ഫെബ്രുവരി 18 നാണു കിംഗ് അറസ്റ്റിലായത്. അതിനുശേഷം അദ്ദേഹം കസ്റ്റഡിയിൽ തുടരുകയാണ്. തമാര ലിച്ച്, ക്രിസ് ബാർബർ എന്നിവരുൾപ്പെടെ കോൺവോയ് പ്രതിക്ഷേധത്തിലെ മറ്റ് ഉന്നത വ്യക്തികൾക്ക് ജാമ്യം ലഭിച്ചു.
പുതിയ അഭിഭാഷകരുമായി ബന്ധപ്പെടാൻ സമയം നൽകുന്നതിനായി കോടതി അദ്ദേഹത്തിന്റെ കേസ് മാറ്റിവച്ചതോടെ കിംഗ് വ്യാഴാഴ്ച വീണ്ടും കോടതിയിൽ ഹാജരാകും.
