ഓട്ടവ: ടൈം മാഗസിൻ പുറത്തിറക്കിയ 2026-ലെ ഏറ്റവും സ്വാധീനമുള്ള 100 വ്യക്തികളുടെ പട്ടികയിൽ ഇടംനേടി കനേഡിയൻ പ്രധാനമന്ത്രി മാർക്ക് കാർണി. അദ്ദേഹത്തിന്റെ നേതൃപാടവത്തെയും ലോക സാമ്പത്തിക ഫോറത്തിലെ പ്രസംഗത്തെയും മുൻനിർത്തി യൂറോപ്യൻ സെൻട്രൽ ബാങ്ക് പ്രസിഡന്റ് ക്രിസ്റ്റീൻ ലഗാർഡ് ആണ് കാർണിയെ ഈ പട്ടികയ്ക്കായി ശുപാർശ ചെയ്തത്. അന്താരാഷ്ട്ര തലത്തിൽ പുതിയൊരു സഹകരണ മാതൃക കെട്ടിപ്പടുക്കാൻ അദ്ദേഹത്തിന് സാധിക്കുമെന്ന് ലഗാർഡ് അഭിപ്രായപ്പെട്ടു.
2025-ൽ നടന്ന തിരഞ്ഞെടുപ്പിലൂടെ അധികാരത്തിലെത്തിയ കാർണി, പിന്നീട് ഉപതിരഞ്ഞെടുപ്പ് വിജയങ്ങളിലൂടെ തന്റെ സർക്കാർ ഭൂരിപക്ഷം ഉറപ്പിച്ചിരുന്നു. അമേരിക്കൻ പ്രസിഡന്റ് ഡോണൾഡ് ട്രംപ്, മാർപ്പാപ്പ ലിയോ പതിനാലാമൻ തുടങ്ങിയ പ്രമുഖ നേതാക്കളും ഇത്തവണത്തെ പട്ടികയിൽ ഉൾപ്പെട്ടിട്ടുണ്ട്. 2016-ൽ ജസ്റ്റിൻ ട്രൂഡോയ്ക്ക് ശേഷം ഈ പട്ടികയിൽ ഇടംപിടിക്കുന്ന ആദ്യ കനേഡിയൻ പ്രധാനമന്ത്രിയാണ് മാർക്ക് കാർണി.
നേരത്തെ ബാങ്ക് ഓഫ് കാനഡയുടെയും ബാങ്ക് ഓഫ് ഇംഗ്ലണ്ടിന്റെയും ഗവർണറായിരുന്ന കാർണി, ജനുവരിയിൽ ഡാവോസിൽ നടത്തിയ പ്രസംഗത്തിലൂടെ വലിയ ശ്രദ്ധ നേടിയിരുന്നു. എന്നാൽ, അദ്ദേഹത്തിന്റെ നിലപാടുകളെ യുഎസ് പ്രസിഡന്റ് ഡോണൾഡ് ട്രംപ് രൂക്ഷമായി വിമർശിച്ചിരുന്നു. കാനഡ അമേരിക്കയെ ആശ്രയിച്ചാണ് നിലനിൽക്കുന്നതെന്ന് ഓർമ്മിപ്പിച്ചുകൊണ്ടായിരുന്നു ട്രംപിന്റെ പ്രതികരണം. മുൻപ് ബാങ്ക് ഓഫ് കാനഡയുടെയും ബാങ്ക് ഓഫ് ഇംഗ്ലണ്ടിന്റെയും ഗവർണറായി പ്രവർത്തിച്ചിട്ടുള്ള വ്യക്തിയാണ് കാർണി.
