തിരുവനന്തപുരം: കേരളത്തിന്റെ പുതിയ പ്രതിപക്ഷ നേതാവായി പിണറായി വിജയനെ സി.പി.എം സംസ്ഥാന സമിതി തിരഞ്ഞെടുത്തു. വി.ഡി. സതീശൻ മുഖ്യമന്ത്രിയായി ചുമതലയേൽക്കുന്ന പശ്ചാത്തലത്തിൽ, ശക്തമായ പ്രതിപക്ഷത്തെ നയിക്കാൻ പിണറായി വിജയൻ തന്നെ മുന്നിട്ടിറങ്ങണമെന്ന് പാർട്ടി യോഗം ഏകകണ്ഠമായി തീരുമാനിക്കുകയായിരുന്നു. പാർട്ടി സംസ്ഥാന സമിതിയിൽ ഉയർന്നുവന്ന നിർദ്ദേശം അംഗീകരിച്ചുകൊണ്ടാണ് ഈ നിർണ്ണായക നീക്കം.
പിണറായി വിജയൻ പ്രതിപക്ഷ നേതൃസ്ഥാനം ഏറ്റെടുത്തില്ലെങ്കിൽ അത് പാർട്ടിയുടെ രാഷ്ട്രീയ ഒളിച്ചോട്ടമായി വ്യാഖ്യാനിക്കപ്പെടുമെന്നും തിരിച്ചടിയുണ്ടാക്കുമെന്നുമുള്ള വിലയിരുത്തലിലാണ് ഈ തീരുമാനം. നിലവിലെ രാഷ്ട്രീയ സാഹചര്യത്തിൽ പരിചയസമ്പന്നനായ ഒരു നേതാവ് തന്നെ പ്രതിപക്ഷ നിരയെ നയിക്കേണ്ടത് അനിവാര്യമാണെന്നും പാർട്ടി നേതൃത്വം വ്യക്തമാക്കി.
