ടൊറൻ്റോ: കാനഡയിലെ ബ്രാംപ്ടണിൽ നടന്ന വാഹനാപകടത്തിൽ ഒരാൾക്ക് ഗുരുതര പരുക്ക്. പരുക്കേറ്റ 60 വയസുകാരനെ സംഭവസ്ഥലത്തെത്തിയ അടിയന്തര മെഡിക്കൽ സേവന വിഭാഗം ആശുപത്രിയിൽ പ്രവേശിപ്പിച്ചു.അപകടം നടന്നത് കാസിൽമോർ റോഡിനും മക്വീൻ ഡ്രൈവിനും ഇടയിൽ. മറ്റ് യാത്രക്കാർക്ക് പരുക്കുകളൊന്നും റിപ്പോർട്ട് ചെയ്തിട്ടില്ല.
അപകടത്തെ തുടർന്ന് പ്രദേശത്ത് പൊലീസ് അന്വേഷണം തുടരുകയാണ്. അപകടത്തിന്റെ സാഹചര്യങ്ങൾ സംബന്ധിച്ച കൂടുതൽ വിവരങ്ങൾ ലഭ്യമായിട്ടില്ലെന്ന് പൊലീസ് അറിയിച്ചു. ട്രാഫിക് നിയന്ത്രണവും തെളിവെടുപ്പും പുരോഗമിക്കുന്നതിനാൽ സമീപ റോഡുകളിൽ ഗതാഗത നിയന്ത്രണങ്ങൾ ഏർപ്പെടുത്തിയതായി അധികൃതർ വ്യക്തമാക്കി.
