ഓട്ടവ: യുഎസ്-കാനഡ വ്യാപാര തർക്കങ്ങളുടെ പശ്ചാത്തലത്തിൽ അമേരിക്കൻ മദ്യ ഇറക്കുമതിക്ക് കാനഡയിൽ ഏർപ്പെടുത്തിയ നിയന്ത്രണങ്ങൾ പ്രവിശ്യകളിൽ വ്യത്യസ്ത രീതിയിൽ നടപ്പാക്കുന്നു. കാനഡയിലെ മദ്യ വിതരണ സംവിധാനം ഓരോ പ്രവിശ്യയുടെയും പ്രാദേശിക ബോർഡുകളുടെ നിയന്ത്രണത്തിലായതിനാലാണ് ഈ വ്യത്യാസം.
കാനഡയിൽ മദ്യനയവും വിതരണവും നിയന്ത്രിക്കുന്നത് അതത് പ്രവിശ്യാ സർക്കാരുകളാണ്. അതിനാൽ ഫെഡറൽ തലത്തിലുള്ള തീരുമാനങ്ങൾ എല്ലാ പ്രവിശ്യകളിലും ഒരേപോലെയല്ല നടപ്പിലാകുന്നത്.രാജ്യത്തെ ഏറ്റവും വലിയ വിപണികളായ ഒന്റാരിയോ (LCBO), കെബെക്ക് (SAQ) എന്നിവ അമേരിക്കൻ മദ്യ ബ്രാൻഡുകൾക്ക് മേൽ കർശനമായ നിയന്ത്രണങ്ങളും അധിക നികുതിയും ഏർപ്പെടുത്തിയിട്ടുണ്ട്.ആൽബർട്ട പോലുള്ള പടിഞ്ഞാറൻ പ്രവിശ്യകൾ കൂടുതൽ ഉദാരമായ സമീപനമാണ് സ്വീകരിക്കുന്നത്. ഇവിടെ നിയന്ത്രണങ്ങൾ കുറവാണ്.
അമേരിക്ക കനേഡിയൻ ഉൽപ്പന്നങ്ങൾക്ക് മേൽ നികുതി ചുമത്തിയതിന് പകരമായാണ് കാനഡ അമേരിക്കൻ ബോർബൻ വിസ്കി, വൈൻ എന്നിവയ്ക്ക് നിയന്ത്രണം ഏർപ്പെടുത്തിയത്.
വിപണിയിലെ സ്വാധീനം:
ഈ വ്യത്യസ്ത നിലപാടുകൾ കാരണം കാനഡയിലെ വിവിധ നഗരങ്ങളിൽ ഒരേ അമേരിക്കൻ മദ്യത്തിന് വ്യത്യസ്ത വിലയാണ് ഈടാക്കുന്നത്. ചില പ്രവിശ്യകളിൽ പ്രമുഖ അമേരിക്കൻ ബ്രാൻഡുകളുടെ ലഭ്യത പൂർണ്ണമായും കുറഞ്ഞിട്ടുണ്ട്. ഇത് പ്രാദേശിക കനേഡിയൻ മദ്യ ഉൽപ്പാദകർക്ക് വിപണിയിൽ വലിയ നേട്ടമുണ്ടാക്കുന്നു.
