കെബെക്ക് സിറ്റി: അമേരിക്കയുമായുള്ള വ്യാപാര സംഘർഷത്തിന്റെ ആഘാതം കുറയ്ക്കുന്നതിനും പ്രാദേശിക സമ്പദ്വ്യവസ്ഥയെ ശക്തിപ്പെടുത്തുന്നതിനുമായി 1.5 ബില്യൺ ഡോളറിന്റെ സാമ്പത്തിക ഉത്തേജന പദ്ധതി ക്യൂബെക്ക് സർക്കാർ പ്രഖ്യാപിച്ചു. അടുത്ത നാല് മാസത്തിനുള്ളിൽ പ്രാദേശിക സമ്പദ്വ്യവസ്ഥയിലേക്ക് ഈ തുക എത്തിക്കാനാണ് പദ്ധതിയെന്ന് സർക്കാർ വ്യക്തമാക്കി.
പൊതു കരാറുകൾ നൽകുമ്പോൾ ക്യൂബെക്കിലും കാനഡയിലും പ്രവർത്തിക്കുന്ന ബിസിനസുകൾക്ക് കൂടുതൽ മുൻഗണന നൽകുന്നതാണ് പദ്ധതിയിലെ പ്രധാന നടപടി. അമേരിക്കൻ ഉൽപ്പന്നങ്ങളെയും കമ്പനികളെയും ആശ്രയിക്കുന്നത് കുറയ്ക്കുന്നതിനൊപ്പം പ്രാദേശിക ഉൽപ്പാദകരെയും സേവനദാതാക്കളെയും പിന്തുണയ്ക്കുകയാണ് ലക്ഷ്യം.
തീരുവ യുദ്ധം വിതരണ ശൃംഖലയിലും തൊഴിൽ മേഖലയിലും സൃഷ്ടിച്ചേക്കാവുന്ന പ്രത്യാഘാതങ്ങൾ നേരിടാൻ ഈ നീക്കം സഹായിക്കുമെന്നാണ് ക്യൂബെക്ക് സർക്കാരിന്റെ വിലയിരുത്തൽ. എന്നാൽ പ്രാദേശിക കമ്പനികൾക്ക് മുൻഗണന നൽകുന്നത് മത്സരക്ഷമതയെയും വിലനിലവാരത്തെയും ബാധിക്കുമെന്ന ആശങ്കയും ഉയർന്നിട്ടുണ്ട്.
