വാഷിംഗ്ടൺ ഡി സി : യുഎസ് പ്രസിഡൻ്റ് ഡോണൾഡ് ട്രംപ് ഇന്ന് ഉച്ചയ്ക്ക് ഓട്ടോമൊബൈൽ ഇറക്കുമതി താരിഫ് പ്രഖ്യാപിക്കുമെന്ന് വൈറ്റ് ഹൗസ് അറിയിച്ചു. എന്നാൽ, പ്രതീക്ഷിക്കുന്ന താരിഫുകളെ സംബന്ധിച്ച് വൈറ്റ് ഹൗസ് വിശദാംശങ്ങളൊന്നും നൽകിയിട്ടില്ല. ഇറക്കുമതി ചെയ്യുന്ന വാഹനങ്ങൾക്ക് 25% താരിഫ് എന്ന ആശയം ഫെബ്രുവരിയിൽ ട്രംപ് അവതരിപ്പിച്ചെങ്കിലും മറ്റു വിവരങ്ങളൊന്നും നൽകിയിരുന്നില്ല.
ഓട്ടോമൊബൈൽ താരിഫ് വാർത്തയായതോടെ യുഎസിൽ വാഹന നിർമാതാക്കളുടെ ഓഹരികൾ ഇടിഞ്ഞു. ഏപ്രിൽ 2-ന് യുഎസ് വ്യാപാര കമ്മിയ്ക്ക് ഉത്തരവാദികളായ രാജ്യങ്ങളെ ലക്ഷ്യമിട്ടുള്ള പരസ്പര താരിഫുകൾ പ്രഖ്യാപിക്കുന്നതിന് മുമ്പ്, ഇറക്കുമതി ചെയ്ത കാറുകൾക്കുള്ള താരിഫ് ഈ ആഴ്ച വരുമെന്ന് ട്രംപ് തിങ്കളാഴ്ച പറഞ്ഞിരുന്നു.
