ഹാലിഫാക്സ് : മാരിടൈംസ് പ്രവിശ്യകളായ നോവസ്കോഷയിലും പ്രിൻസ് എഡ്വേഡ് ഐലൻഡിലും ഒറ്റരാത്രികൊണ്ട് ഇന്ധനവില കുറഞ്ഞു. അതേസമയം ന്യൂബ്രൺസ്വിക്കിൽ വിലയിൽ നേരിയ വർധന ഉണ്ടായതായി റിപ്പോർട്ട്.
നോവസ്കോഷ
നോവസ്കോഷയിൽ സാധാരണ പെട്രോളിന്‍റെ വില ലിറ്ററിന് 0.6 സെൻ്റ് കുറഞ്ഞു. ഇതോടെ ഹാലിഫാക്സ് മേഖലയിൽ പെട്രോൾ വില ഇപ്പോൾ ലിറ്ററിന് 139.4 സെൻ്റായി. കൂടാതെ പ്രവിശ്യയിൽ ഡീസൽ വില 1.2 സെൻ്റ് കുറഞ്ഞ് ലിറ്ററിന് 139.1 സെൻ്റായി.
പ്രിൻസ് എഡ്വേഡ് ഐലൻഡ്
ദ്വീപിലെ സാധാരണ സാധാരണ പെട്രോളിന്‍റെ വില 1.1 സെൻ്റ് കുറഞ്ഞു. ഇപ്പോൾ ലിറ്ററിന് 146.2 സെൻ്റാണ് പ്രവിശ്യയിൽ പെട്രോളിന് ഈടാക്കുന്നത്. ഡീസലിന്‍റെ വില ഒറ്റരാത്രികൊണ്ട് 2.3 സെൻ്റ് കുറവുണ്ടായി. ഇതോടെ പുതിയ വില ഇപ്പോൾ ലിറ്ററിന് 149.8 സെൻ്റായി.
ന്യൂബ്രൺസ്വിക്
ന്യൂബ്രൺസ്വിക്കിൽ പെട്രോൾ വിലയിൽ നേരിയ വർധന ഉണ്ടായി. ലിറ്ററിന് 0.1 സെൻ്റ് വർധിച്ച് 141.7 സെൻ്റാണ് ഇപ്പോൾ പ്രവിശ്യയിലെ പുതിയ പെട്രോൾ വില. എന്നാൽ, ഡീസൽ വില 0.7 സെൻ്റ് കുറഞ്ഞു. പരമാവധി വില ഇപ്പോൾ ലിറ്ററിന് 146.6 സെൻ്റാണ് ഈടാക്കുന്നത്.
