ഹാലിഫാക്സ് : തൊഴിലാളി ദിന വാരാന്ത്യത്തിന് മുന്നോടിയായി മാരിടൈംസ് പ്രവിശ്യകളിൽ പെട്രോൾ-ഡീസൽ വിലയിൽ വലിയ വർധനവുണ്ടായി.
നോവസ്കോഷ
പ്രവിശ്യാ തലസ്ഥാനമായ ഹാലിഫാക്സ് മേഖലയിൽ സാധാരണ പെട്രോളിന്‍റെ വില 2.3 സെൻ്റ് വർധിച്ചു. ഇതോടെ പെട്രോൾ വില ലിറ്ററിന് 147.9 സെൻ്റായി. പ്രവിശ്യയിൽ ഡീസൽ വില 3.5 സെൻ്റ് വർധിച്ച് ലിറ്ററിന് 149.0 സെൻ്റായതായി പെട്രോളിയം അനലിസ്റ്റ് അറിയിച്ചു. മറ്റൊരു പ്രധാന നഗരമായ കെയ്പ് ബ്രെറ്റണിൽ സാധാരണ പെട്രോളിന് 149.8 സെന്റും ഡീസലിന് 151.0 സെൻ്റുമാണ് ഈടാക്കുന്നത്.
പ്രിൻസ് എഡ്വേഡ് ഐലൻഡ്
പ്രിൻസ് എഡ്വേഡ് ഐലൻഡിൽ പെട്രോൾ നിരക്കിൽ മാറ്റമൊന്നും വന്നിട്ടില്ല. എന്നാൽ, ഡീസൽ വിലയിൽ വർധനയുണ്ടായി. സാധാരണ പെട്രോളിന് ലിറ്ററിന് 150.2 സെൻ്റായി തുടരുന്നു. ദ്വീപിലെ ഡീസൽ വില 2.3 സെൻ്റ് വർധിച്ച് ലിറ്ററിന് 157.3 സെൻ്റായി.
ന്യൂബ്രൺസ്വിക്
ന്യൂബ്രൺസ്വിക്കിൽ, സാധാരണ പെട്രോൾ വില 1.3 സെൻ്റ് വർധിച്ചതായി പ്രവിശ്യ സർക്കാർ അറിയിച്ചു. ഇതോടെ പെട്രോൾ വില ലിറ്ററിന് 147.9 സെൻ്റായി. പ്രവിശ്യയിൽ ഡീസൽ വില 2.5 സെൻ്റ് വർധിച്ച് വില ലിറ്ററിന് 152.0 സെൻ്റായി.
