പി പി ചെറിയാൻ
ഷിക്കാഗോ : നഗരത്തിൽ സിടിഎ (CTA) ബസിനുള്ളിൽ 62 വയസ്സുകാരനെ ക്രൂരമായി മർദിച്ച് പരിക്കേൽപ്പിച്ച മൂന്ന് കൗമാരക്കാർക്കായി തിരച്ചിൽ ആരംഭിച്ച് പൊലീസ്. ഡിസംബർ 16 വൈകുന്നേരം 5:40-ഓടെയാണ് സംഭവം. സൗത്ത് സിസറോ അവന്യൂവിലൂടെ സഞ്ചരിക്കുകയായിരുന്ന ബസിലായിരുന്നു ആക്രമണം നടന്നത്.
പ്രതികളിലൊരാൾ നീല ജാക്കറ്റ് ധരിച്ചിരുന്നു. രണ്ടാമൻ ഫർ ഹൂഡുള്ള ചുവന്ന ജാക്കറ്റും മൂന്നാമൻ വെള്ള ഹൂഡുള്ള ഗ്രേ ജാക്കറ്റ് ധരിച്ചിരുന്നതായി പൊലീസ് പറയുന്നു. പ്രതികളെക്കുറിച്ച് എന്തെങ്കിലും വിവരം ലഭിക്കുന്നവർ ഏരിയ 4 ഡിറ്റക്ടീവുകളെയോ (312-746-8251) അല്ലെങ്കിൽ CPDTIP.com വഴിയോ വിവരമറിയിക്കണമെന്ന് ഷിക്കാഗോ പൊലീസ് അറിയിച്ചു.
