വിനിപെഗ് : ജനുവരിയിലെ അവസാനത്തെ ഇമിഗ്രേഷൻ നറുക്കെടുപ്പിൽ കൂടുതൽ വൈദഗ്ധ്യമുള്ള തൊഴിലാളികൾക്ക് ഇൻവിറ്റേഷൻ നൽകി മാനിറ്റോബ. മാനിറ്റോബ പ്രൊവിൻഷ്യൽ നോമിനി പ്രോഗ്രാം (MPNP) അതിന്റെ ഏറ്റവും പുതിയ നറുക്കെടുപ്പിൽ 47 വിദഗ്ധ തൊഴിലാളികൾക്ക് ലെറ്റർ ഓഫ് അഡ്വൈസ് (LAAs) നൽകി. മാനിറ്റോബയുടെ ഈ വർഷത്തെ രണ്ടാമത്തെ പ്രവിശ്യാ ഇമിഗ്രേഷൻ നറുക്കെടുപ്പായിരുന്നു ജനുവരി 29-ന് നടന്നത്. സ്കിൽഡ് വർക്കർ ഇൻ മാനിറ്റോബ, ഓവർസീസ് സ്കിൽഡ് വർക്കർ എന്നീ രണ്ടു സ്കിൽഡ് വർക്കർ സ്ട്രീമിന് കീഴിൽ സമർപ്പിച്ച അപേക്ഷകരെയാണ് ഈ നറുക്കെടുപ്പിൽ പരിഗണിച്ചത്.
2026-ൽ ഇതുവരെ, രണ്ട് നറുക്കെടുപ്പുകളിലൂടെ പ്രവിശ്യ 102 LAA-കൾ പ്രവിശ്യാ നാമനിർദ്ദേശത്തിനായി നൽകിയിട്ടുണ്ട്. ഇവ രണ്ടും എംപ്ലോയർ സർവീസസ് റിക്രൂട്ട്മെൻ്റ് സംരംഭത്തിന് കീഴിലുള്ള ഉദ്യോഗാർത്ഥികൾക്ക് മുൻഗണന നൽകി. മാനിറ്റോബയിൽ നിന്ന് LAA സ്വീകരിക്കുന്ന വ്യക്തികൾ 60 ദിവസത്തിനുള്ളിൽ പൂർണ്ണ അപേക്ഷ സമർപ്പിക്കണം. അപേക്ഷ സ്വീകരിക്കുന്ന സമയത്ത് പ്രവിശ്യയുടെ വെബ്സൈറ്റിലെ വിവരങ്ങളുടെ അടിസ്ഥാനത്തിൽ അപേക്ഷകൾ ഓരോന്നായി പരിശോധിക്കും. അപേക്ഷ സമർപ്പിക്കുമ്പോൾ ആവശ്യമായ എല്ലാ രേഖകളും (pdf അല്ലെങ്കിൽ .jpg ഫോർമാറ്റിൽ, രണ്ട് MB-യിൽ താഴെ വലുപ്പത്തിൽ) ഉൾപ്പെടുത്തണം – എല്ലാ രേഖകളും ഇംഗ്ലീഷിലോ ഫ്രഞ്ചിലോ ആയിരിക്കണം. ഉദ്യോഗാർത്ഥികൾ എല്ലാ അപേക്ഷാ പേജുകളും പൂരിപ്പിച്ച് ആവശ്യമായ ഡോക്യുമെന്റേഷൻ അപ്ലോഡ് ചെയ്തുകഴിഞ്ഞാൽ, 500 ഡോളർ ഫീസ് അടച്ച് MPNP ഓൺലൈൻ പോർട്ടൽ വഴി അപേക്ഷ സമർപ്പിക്കണം.
