മുംബൈ: പശ്ചിമേഷ്യയിലെ നിലവിലെ രാഷ്ട്രീയ അനിശ്ചിതത്വങ്ങൾ തങ്ങളുടെ ബിസിനസ് പോർട്ട് ഫോളിയോകളിൽ ഉടനടി വലിയ ആഘാതമുണ്ടാക്കില്ലെന്ന് പ്രമുഖ സ്വകാര്യ ബാങ്കുകളായ HDFC, ICICI, YES ബാങ്ക് അധികൃതർ. അന്താരാഷ്ട്ര വിപണിയിലെ മാറ്റങ്ങൾ ബാങ്കുകൾ സസൂക്ഷ്മം നിരീക്ഷിച്ചുവരികയാണ് ബാങ്കുകൾ. എച്ച്.ഡി.എഫ്.സി ബാങ്കിന്റെ നാലാം പാദ ലാഭത്തിൽ 8 ശതമാനം വർധനയുണ്ടായത് (₹20,350 കോടി) വലിയ നേട്ടമാണെന്ന് ബാങ്ക് സി.ഇ.ഒ ശശിധർ ജഗദീശൻ വ്യക്തമാക്കി. എന്നാൽ പശ്ചിമേഷ്യൻ സംഘർഷം ചെറുകിട ബിസിനസ് (SME) വിഭാഗത്തെ ബാധിച്ചേക്കാമെന്നതിൽ ജാഗ്രത പുലർത്തണമെന്ന് അദ്ദേഹം പറഞ്ഞു. ഇതിന്റെ ആഘാതം ആദ്യ പാദത്തിൽ പ്രകട മായേ ക്കാം, എങ്കിലും കോർപ്പറേറ്റ് വായ്പകളിൽ നിലവിൽ പ്രശ്നങ്ങളൊന്നുമില്ല. പശ്ചിമേഷ്യൻ പ്രതിസന്ധി മൂലം കറൻസി മൂല്യത്തിലും വിപണിയിലെ പലിശ നിരക്കുകളിലും ലോഹ ങ്ങളുടെ വിലയിലും പെട്ടെന്നുള്ള വ്യതിയാനങ്ങൾ കണ്ടുവരുന്നതായി ICICI ബാങ്ക് വക്താവ് സന്ദീപ് ബത്ര അറിയിച്ചു. വായ്പാ തിരിച്ചടവുകളിൽ നിലവിൽ തടസ്സങ്ങളില്ലെ ങ്കിലും വിപണിയിലെ അസ്ഥിരത ജാഗ്രതയോടെ നിരീക്ഷിക്കുകയാണ് ബാങ്ക് അധി കൃതർ. YES ബാങ്കിനെ പ്രതിസന്ധി നേരിട്ട് ബാധിച്ചിട്ടില്ലെന്ന് എംഡി വിനയ് തോൺ സെ വ്യക്തമാക്കി. എന്നാൽ യുദ്ധം ദീർഘകാലം തുടർന്നാൽ അത് നാണയപ്പെരുപ്പത്തിന് കാരണമാകുമെന്നും അത് വരും കാലങ്ങളിൽ ബാങ്കിംഗ് ഇടപാടുകളെ ബാധിച്ചേക്കാമെന്നും അദ്ദേഹം പറഞ്ഞു.
കയറ്റുമതിയെ ആശ്രയിച്ചു കഴിയുന്ന ചെറുകിട സ്ഥാപനങ്ങൾക്ക് ചരക്ക് നീക്കത്തി ലുണ്ടാകുന്ന തടസ്സങ്ങൾ തിരിച്ചടിയായേക്കാമെന്നതും ഇത് അവരുടെ വായ്പകളെ ബാധിച്ചേക്കാമെന്നും സൂചനയുണ്ട്. ക്രൂഡ് ഓയിൽ വില വർദ്ധിക്കുന്നത് രാജ്യത്തെ പൊതു സാമ്പത്തിക സാഹചര്യത്തെ ബാധിക്കാമെന്നതിലും ധനകാര്യസ്ഥാപനങ്ങൾക്ക് ആശങ്ക യുണ്ട്. അതേ സമയം ഇന്ത്യൻ ബാങ്കിംഗ് മേഖല നിലവിൽ ശക്തമായ നിലയിലാണെന്ന് അടുത്തിടെ നടന്ന സർവ്വേകൾ (FICCI-IBA) സൂചിപ്പിക്കുന്നത് വലിയ ആശ്വാസമാണ്. വായ്പാ വളർച്ച 11-13 ശതമാനമായി തുടരുമെന്നാണ് പ്രതീക്ഷിക്കുന്നത്. കൂടാതെ, കയറ്റുമതി ക്കാർക്ക് ആശ്വാസമായി ആർബിഐ (RBI) എക്സ്പോർട്ട് ക്രെഡിറ്റ് കാലാവധി 450 ദിവസമായി നീട്ടിയിട്ടുമുണ്ട്. ചുരുക്കത്തിൽ, നിലവിൽ ആശങ്കപ്പെടേണ്ട സാഹചര്യ മില്ലെങ്കിലും അന്താരാഷ്ട്ര വിപണിയിലെ ഓരോ മാറ്റവും ബാങ്കുകൾ അതീവ ജാഗ്രതയോടെയാണ് കാണുന്നത്
