തിരുവനന്തപുരം: പതിനാറാം കേരള നിയമസഭയുടെ സ്പീക്കർ തിരഞ്ഞെടുപ്പ് ഇന്ന്. രാവിലെ ഒൻപത് മണിക്കാണ് തിരഞ്ഞെടുപ്പ് നടക്കുക.
മൂന്ന് സ്ഥാനാർഥികളാണ് സ്പീക്കർ തിരഞ്ഞെടുപ്പിനുള്ളത്. തിരഞ്ഞെടുപ്പ് നടക്കുന്നത് ബാലറ്റ് പേപ്പറിലൂടെയാണ് . സഭാ ചരിത്രത്തിൽ ആദ്യമായി ബിജെപിയും മത്സരത്തിനുണ്ട്. ഭരണപക്ഷത്തുനിന്ന് തിരുവഞ്ചൂർ രാധാകൃഷ്ണനും എൽഡിഎഫ് സ്ഥാനാർഥിയായി എ സി മൊയ്തീനും എൻഡിഎക്കായി ബി ബി ഗോപകുമാറും സ്ഥാനാർഥികളാകും.
ഡെപ്യൂട്ടി സ്പീക്കർ തിരഞ്ഞെടുപ്പ് ജൂൺ ഒന്നിന് നടക്കും. ഭരണപക്ഷത്തുനിന്ന് ഷാനിമോൾ ഉസ്മാൻ സ്ഥാനാർഥിയാകും. എൽഡിഎഫും ബിജെപിയും സ്ഥാനാർഥികളെ തീരുമാനിച്ചിട്ടില്ല.
