തിരുവനന്തപുരം: തുടര്ച്ചയായ മൂന്ന് ദിവസത്തെ മുന്നേറ്റത്തിന് ശേഷം സംസ്ഥാനത്തെ സ്വര്ണവിലയില് കുറവ് രേഖപ്പെടുത്തി. ഒരു പവന് സ്വര്ണത്തിന് 160 രൂപ കുറഞ്ഞ് 1,05,600 രൂപയിലാണ് ഇന്ന് വ്യാപാരം പുരോഗമിക്കുന്നത്. ഗ്രാമിന് 20 രൂപ കുറഞ്ഞ് 13,200 രൂപയായി. കഴിഞ്ഞ ദിവസങ്ങളില് ഉയര്ന്ന നിരക്കില് തുടര്ന്ന ശേഷമാണ് വിപണിയില് ഇപ്പോള് നേരിയ ആശ്വാസം ദൃശ്യമായിരിക്കുന്നത്.
എന്നാല് ഉപഭോക്താക്കള് ആഭരണം വാങ്ങുമ്പോള് വിപണി വിലയായ 1,05,600 രൂപയ്ക്ക് പുറമേ പണിക്കുലി (മേക്കിംഗ് ചാര്ജ്), 3 ശതമാനം ജിഎസ്ടി, മറ്റ് അനുബന്ധ നിരക്കുകള് എന്നിവ നല്കേണ്ടതുണ്ട്. ഉദാഹരണത്തിന്, 10 ശതമാനം മേക്കിംഗ് ചാര്ജ് കണക്കാക്കുകയാണെങ്കില് ഒരു പവന് ആഭരണം വിപണിയില് നിന്ന് വാങ്ങാന് നിലവില് ഏകദേശം 1,19,600 രൂപ വരെ ചെലവാകും. പണിക്കുലിയിലെ വ്യത്യാസമനുസരിച്ച് ആഭരണങ്ങളുടെ അന്തിമ വിലയില് മാറ്റമുണ്ടാകാം. ആഗോള വിപണിയിലുണ്ടാകുന്ന ചലനങ്ങളാണ് കേരളത്തിലെ സ്വര്ണവിലയെ പ്രധാനമായും സ്വാധീനിക്കുന്നത്. ഭൗമരാഷ്ട്രീയ സംഘര്ഷങ്ങള്, യു.എസ്. ഫെഡറല് റിസര്വിന്റെ പലിശ നിരക്ക് നയങ്ങള്, യു.എസ്. ഡോളറിന്റെ മൂല്യത്തിലുണ്ടാകുന്ന വ്യതിയാനങ്ങള് എന്നിവയാണ് വിപണിയെ നേരിട്ട് ബാധിക്കുന്നത്.
ഇതിനുപുറമേ വിവിധ രാജ്യങ്ങളിലെ കേന്ദ്ര ബാങ്കുകള് കരുതല് ശേഖരത്തിലേക്ക് വന്തോതില് സ്വര്ണം വാങ്ങിക്കൂട്ടുന്നതും രൂപയുടെ മൂല്യയിടിവും പ്രാദേശിക വിപണിയില് വില ഉയര്ന്ന നിലവാരത്തില് തുടരാന് കാരണമാകുന്നുണ്ട്. നിലവില് അന്താരാഷ്ട്ര വിപണിയില് സ്വര്ണവില ട്രോയ് ഔണ്സിന് 4,054.56 ഡോളര് എന്ന നിരക്കിലാണ് വ്യാപാരം നടക്കുന്നത്.
