അഖില സുരേഷ്
സൂര്യപ്രകാശത്തില് നിന്ന് ഏറ്റവുമധികം സംരക്ഷണം തരുന്നതാണ് സണ്സ്ക്രീന്. സൂര്യപ്രകാശമേറ്റ് മുഖം കരുവാളിച്ച് പോകാതിരിക്കാന് എസ്പിഎഫിന്റെ അളവ് നോക്കി കൃത്യമായ സണ് സ്ക്രീന് തിരഞ്ഞെടുക്കേണ്ടത് വളരെ അത്യാവശ്യമാണ്. വീടിന് ഉള്ളില്, പുറത്ത് പോകുമ്പോള്, സ്വിമ്മിങ് പൂളില് പോകുമ്പോള്, ജിമ്മില് പോകുമ്പോള് അല്ലെങ്കില് ജോലിക്ക് പോകുമ്പോഴെല്ലാം മറക്കാതെ സണ് സ്ക്രീന് പുരട്ടേണ്ടത് വളരെ അത്യാവശ്യമാണ്. ഏറ്റവും പ്രധാനപ്പെട്ട കാര്യം സണ് സ്ക്രീന് ധരിക്കുന്നത് സ്ത്രീകള്ക്ക് മാത്രമുള്ള കാര്യമല്ല. സ്ത്രീകളും പുരുഷന്മാരും അവരുടെ ചര്മ്മം സൂര്യപ്രകാശത്തില് നിന്ന് സംരക്ഷിക്കേണ്ടത് വളരെ അത്യാവശ്യമാണ്. എന്തൊക്കെയാണ് സണ്സ്ക്രീന് കൊണ്ടുള്ള ഗുണങ്ങളെന്ന് നോക്കാം.
സൂര്യപ്രകാശത്തില് നിന്ന് സംരക്ഷണം
സണ്സ്ക്രീന് എന്ന പേര് പോലെ തന്നെയാണ് അതിന്റെ ആദ്യ പ്രവര്ത്തനവും കടുത്ത സൂര്യപ്രകാശത്തില് നിന്ന് മികച്ച സംരക്ഷണം നല്കാന് സണ്സ്ക്രീനുകള്ക്ക് കഴിയും. മേഘാവൃതമായ ഒരു ദിവസത്തില് പോലും സൂര്യന്റെ കിരണങ്ങളുടെ 80% ഭൂമിയിലേക്ക് പതിക്കുന്നുണ്ട്. ഇത് നിങ്ങളുടെ ചര്മ്മത്തെ ദോഷകരമായി ബാധിക്കുന്നതിനാല് ഈ കിരണങ്ങളെ തടയാന് സ്ണ്സ്ക്രിനിലുള്ള SPF സഹായിക്കുന്നു.
ചര്മ്മത്തിന്റെ നിറം തുല്യമാക്കുന്നു
ചിലരെ കണ്ടിട്ടിലെ മുഖത്ത് ഒരു നിറവും കൈകള്ക്കും കഴുത്തിനുമൊക്കെ മറ്റൊരു നിറവുമായിരിക്കും. അത് അല്ലെങ്കില് വസ്ത്രങ്ങള് ധരിക്കുന്ന ഭാഗത്ത് നല്ല നിറവും അല്ലാത്ത സ്ഥലങ്ങളില് കറുത്ത നിറവുമായിരിക്കും. ഇത് സൂര്യകിരണങ്ങള് ഏല്ക്കുന്നത് മൂലമുണ്ടാകുന്ന മാറ്റമാണ്. സണ്സ്ക്രീന് ഉപയോഗിക്കുന്നതിലൂടെ മുഖത്തെയും ശരീരത്തിലെയും നിറവ്യത്യാസവും സൂര്യാഘാതമേറ്റ് ഉണ്ടാകുന്ന കറുത്ത പാടുകളും ഇല്ലാതാക്കാന് സഹായിക്കുന്നു. ചര്മ്മത്തിന്റെ നിറം മിനുസമാര്ന്നതും കൂടുതല് സുഗമവുമായി നിലനിര്ത്താനും ഇത് സഹായിക്കുന്നു.
ടാനിങ് തടയുന്നു
സൂര്യപ്രകാശം അമിതമായി ഏല്ക്കുമ്പോള് ഉ്ള്ള പ്രശ്നമാണ് ടാനിങ്. സണ് സ്ക്രീന് ഉപയോഗിക്കുന്നത് ടാനിങ് 100% തടയില്ലെങ്കിലും അമിതമായി സൂര്യപ്രകാശമേല്ക്കുന്നത് കൊണ്ടുള്ള പ്രശ്നങ്ങള് തടയാന് സണ് സ്ക്രീന് സഹായിക്കുന്നു.
ത്വക്ക് ക്യാന്സര് സാധ്യത കുറയ്ക്കുന്നു
സൂര്യാഘാതം മൂന്ന് തരത്തിലുള്ള ചര്മ്മ കാന്സറിന് കാരണമാകുമെന്ന് അറിയപ്പെടുന്നു. നിങ്ങള് വീടിനകത്തോ പുറത്തോ ആണെങ്കിലും പതിവായി സണ്സ്ക്രീന് ഉപയോഗിക്കുന്നത് അതിന്റെ അപകടസാധ്യത കുറയ്ക്കാന് സഹായിക്കുന്നു.
അകാല വാര്ദ്ധക്യം തടയുന്നു
അള്ട്രാവയലറ്റ് രശ്മികളില് നിന്നുള്ള സൂര്യാഘാതം ചര്മ്മം വാര്ദ്ധക്യമാകുന്നത് കാരണമാകുന്നു. ഇത് വരകള്, അയവ്, ചുളിവുകള് എന്നിവയ്ക്ക് കാരണമാകുന്നു. ദിവസവും സണ്സ്ക്രീന് ഉപയോഗിക്കുന്നത് നിങ്ങളുടെ ചര്മ്മത്തിന് യുവത്വം നല്കും. അള്ട്രാവയലറ്റ് രശ്മികളുടെ ദോഷകരമായ ഫലങ്ങളില് നിന്ന് പരിരക്ഷിക്കുന്നതിന് സണ്സ്ക്രീന് നിങ്ങളുടെ ദിനചര്യയിലെ വിലമതിക്കാനാവാത്ത ഒന്നാണ്. പിഗ്മെന്റേഷനുംചുളിവുകളും ക്യാന്സര് വരെ തടയാന് ഇത് സഹായിക്കും. അകാല വാര്ദ്ധക്യം തടയുന്നു.