യുഎസില് വരും മണിക്കൂറില് ശക്തമായ കൊടുങ്കാറ്റുണ്ടാകാന് സാധ്യതയുളളതിനാല് അതീവ ജാഗ്രതയില് രാജ്യം. നിരവധി ഫ്ലൈറ്റുകള് റദ്ദാക്കി, സ്കൂളുകള് അടച്ചു. ആളുകളോട് വീടിനുളളില് തന്നെ തുടരാനും നിര്ദേശം നല്കി.
ശക്തമായ ചുഴലിക്കാറ്റ്, മിന്നല്, ആലിപ്പഴം വീഴ്ച എന്നിവയുണ്ടാകുമെന്നാണ് കാലാവസ്ഥ പ്രവചന കേന്ദ്രം നല്കിയിരിക്കുന്ന മുന്നറയിപ്പ്.
ഗ്രേറ്റര് ഡിസി ഏരിയയില് രാത്രി 9 വരെ ചുഴലിക്കാറ്റിന് സാധ്യയുണ്ടെന്ന് ദേശീയ കാലാവസ്ഥ ഏജന്സി പ്രവചിച്ചു. ചൊവ്വാഴ്ച രാവിലെ വരെ വെള്ളപ്പൊക്ക മുന്നറിയിപ്പും ഉണ്ടായിരുന്നു. വലിയ ആലിപ്പഴത്തിനും ശക്തമായ മഴ ഉണ്ടാകാനുള്ള സാധ്യതയോടൊപ്പം വിനാശകരമായ ചുഴലിക്കാറ്റ് വീശുമെന്നും കാലാവസ്ഥാ സേവനം മുന്നറിയിപ്പ് നല്കി.
ടെന്നസി മുതല് ന്യൂയോര്ക്ക് വരെയുള്ള 10 സംസ്ഥാനങ്ങളില് ടൊര്ണാഡോ നിരീക്ഷണങ്ങളും മുന്നറിയിപ്പുകളും പോസ്റ്റ് ചെയ്തിട്ടുണ്ട്. വാഷിംഗ്ടണ്-ബാള്ട്ടിമോര് മേഖല കേന്ദ്രീകരിച്ചാണ് ഏറ്റവും കൂടുതല് ആശങ്കയുള്ള മേഖലയെന്ന് നാഷണല് വെതര് സര്വീസ് പറഞ്ഞു.
