മോൺട്രിയൽ : ചൊവ്വാഴ്ച രാത്രി മുതൽ, ക്യുബെക്ക് സർക്കാർ സൈറ്റുകൾ സൈബർ ആക്രമണത്തിനിരയായതായി സൈബർ സുരക്ഷ, ഡിജിറ്റൽ ടെക്നോളജീസ് മന്ത്രാലയം അറിയിച്ചു.
സൈബർ ആക്രമണത്തെ തുടർന്ന് ചില സർക്കാർ സൈറ്റുകൾ താൽക്കാലികമായി ലഭ്യമല്ലെന്നും സൈബർ സുരക്ഷാ മന്ത്രാലയം വിശദീകരിച്ചു. എന്നാൽ, സർക്കാർ വിവരങ്ങൾ ചോർന്നതായി സൂചനയില്ലെന്നാണ് മന്ത്രാലയത്തിന്റെ വിശദീകരണം.
സൈബർ സുരക്ഷാ മന്ത്രാലയത്തിലെ വിദഗ്ധർ അന്വേഷണം നടത്തുകയും ആവശ്യമായ നടപടികൾ സ്വീകരിക്കുമെന്നും സൈബർ സുരക്ഷാ മന്ത്രാലയം വ്യക്തമാക്കി. സ്ഥിതിഗതികൾ എത്രയും വേഗം പുനഃസ്ഥാപിക്കാൻ കഴിയുമെന്ന് പ്രതീക്ഷിക്കുന്നതായി മന്ത്രാലയം അറിയിച്ചു.
