ഒട്ടാവ: ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡ (IRCC) ഏപ്രിൽ 30 മുതൽ എല്ലാ സ്ഥിര താമസ അപേക്ഷകൾക്കും ഫീസ് വർദ്ധിപ്പിക്കുന്നു. ഇക്കോണമിക്, പെർമിറ്റ് ഹോൾഡർ , ഫാമിലി ,ഹ്യുമാനിറ്റേറിയൻ തുടങ്ങിയ എല്ലാ വിധത്തിലുള്ള അപേക്ഷകളുടെയും ഫീസ് വർധിക്കുമെന്ന് IRCC അറിയിച്ചു.
2002-ന് ശേഷം ആദ്യമായി പണപ്പെരുപ്പം കണക്കിലെടുത്ത് 2020-ൽ IRCC സ്ഥിര താമസ ഫീസ് വർദ്ധിപ്പിച്ചിരുന്നു. ആ സമയത്ത്, പണപ്പെരുപ്പം ക്രമീകരിക്കുന്നതിന് ഓരോ 2 വർഷത്തിലും ഫീസ് വർദ്ധിപ്പിക്കുമെന്ന് പ്രഖ്യാപിച്ചിരുന്നു. അതിന്റെ ഭാഗമായാണ് ഇപ്പോഴത്തെ വർധന.
ഗവൺമെന്റ് പ്രോഗ്രാമുകൾക്ക് ധനസഹായം നൽകുന്നതിനുള്ള ചെലവ് കുറഞ്ഞ സമീപനത്തെ കാനഡ ഗവൺമെന്റ് പിന്തുണയ്ക്കുന്നു, അങ്ങനെയുള്ള സാഹചര്യങ്ങളിൽ മിക്ക ചെലവുകളും സേവനങ്ങൾ സ്വീകരിക്കുകയും അവയിൽ നിന്ന് നേരിട്ട് പ്രയോജനം നേടുകയും ചെയ്യുന്നവരുടെ ഉത്തരവാദിത്തമാണ്.
ഫീസിൽ വന്നിരിക്കുന്ന മാറ്റങ്ങൾ ചുവടെ ചേർക്കുന്നു.
