കേരളത്തിൽ ഡ്രൈവിങ് ടെസ്റ്റ് പരിഷ്കരിച്ച് ഉത്തരവിറങ്ങി. മാറ്റങ്ങള് മെയ് ഒന്ന് മുതല് പ്രബല്യത്തില് വരും. പ്രതിദിനം ഡ്രൈവിങ് ടെസ്റ്റ് നടത്തേണ്ടവരുടെ എണ്ണം 30 ആയി നിജപ്പെടുത്തി. ഇതില് 20 പേര് പുതിയതും 10 പേര് നേരത്തെ പരാജയപ്പെട്ടവരും ആയിരിക്കണം. ഡ്രൈവിങ് ടെസ്റ്റിനായി ഉപയോഗിക്കുന്ന വാഹനത്തില് ടെസ്റ്റ് റെക്കോര്ഡ് ചെയ്യാനുള്ള ഡാഷ്ബോര്ഡ് ക്യാമറ ഘടിപ്പിക്കണം തുടങ്ങി നിരവധി മാറ്റങ്ങളാണ് ഉത്തരവിലുള്ളത്. ഡ്രൈവിങ് ടെസ്റ്റിലെ ഗ്രൗണ്ട് ടെസ്റ്റ് പരിഷ്കരിച്ചു.
കാല്പാദം കൊണ്ട് ഗിയര് പ്രവര്ത്തിക്കുന്ന 95സിസിക്ക് മുകളിലുള്ള ഇരുചക്ര വാഹനത്തില് ടെസ്റ്റ് നടത്തണം. 15 വര്ഷത്തില് കൂടുതല് പഴക്കമുള്ള കാറില് ഡ്രൈവിങ് സ്കൂളുകള് പരിശീലനം കൊടുക്കരുത്. ഓട്ടോമാറ്റിക് ഗിയര്, ഇലക്ട്രിക് വാഹനങ്ങളില് ഡ്രൈവിങ് ടെസ്റ്റ് നടത്തരുത്. ലേണേഴ്സ് ടെസ്റ്റും സമാന്തരമായി നിജപ്പെടുത്തും എന്നിങ്ങനെ പോകുന്നു മാറ്റങ്ങൾ. ഡ്രൈവിങ് പരിശീലകര് കോഴ്സ് പാസായവരായിരിക്കണം എന്ന നിർദ്ദേശവുമുണ്ട്.
