ഹാലിഫാക്സ് : നോവസ്കോഷയിലെ ബെഡ്ഫോർഡ് ഹൈവേയിൽ ട്രാൻസിറ്റ് ബസും കാറും കൂട്ടിയിടിച്ച് ഡ്രൈവർക്ക് ഗുരുതരമായി പരുക്കേറ്റു. വെള്ളിയാഴ്ച വൈകിട്ട് ആറ് മണിയോടെ ബെഡ്ഫോർഡ് ഹൈവേയിലെ 0-100 ബ്ലോക്കിലാണ് അപകടം നടന്നത്. ജോസഫ് ഹോവ് ഡ്രൈവിൽ വടക്കോട്ട് പോവുകയായിരുന്ന കാർ ബെഡ്ഫോർഡ് ഹൈവേയിൽ വെച്ച് അതേ ദിശയിൽ സഞ്ചരിക്കുകയായിരുന്ന ഹാലിഫാക്സ് ട്രാൻസിറ്റ് ബസുമായി കൂട്ടിയിടിക്കുകയായിരുന്നു.
കാറിൻ്റെ ഡ്രൈവർ 31 വയസ്സുള്ള യുവതിയെ ഗുരുതര പരുക്കുകളോടെ ആശുപത്രിയിൽ പ്രവേശിപ്പിച്ചു. ബസിലുണ്ടായിരുന്ന ആർക്കും പരുക്കില്ലെന്ന് പൊലീസ് പറഞ്ഞു. സംഭവം നടന്നതിനുശേഷം ഹൈവേ മണിക്കൂറുകളോളം അടച്ചിട്ടതിനുശേഷം വീണ്ടും തുറന്നു. അന്വേഷണം പുരോഗമിക്കുകയാണ്.
