നോവസ്‌കോഷയിലും പിഇഐയിലും ഡീസല്‍ വില കുറഞ്ഞു

അറ്റ്‌ലാന്റിക്: ഒറ്റരാത്രികൊണ്ട് നോവസ്‌കോഷ, പ്രിന്‍സ് എഡ്വേര്‍ഡ് ഐലന്‍ഡ് എന്നീ പ്രവിശ്യകളില്‍ ഡീസല്‍ വിലയില്‍ വന്‍ കുറവ് രേഖപ്പെടുത്തി. എന്നാല്‍ ന്യൂ ബ്രണ്‍സ്വിക്കില്‍ ഇന്ധനവിലയില്‍ മാറ്റമില്ലാതെ തുടരുകയാണ്.

നോവസ്‌കോഷ

നോവസ്‌കോഷയിലെ ഹാലിഫാക്‌സ് മേഖലയില്‍ ഡീസല്‍ വില ലിറ്ററിന് 7.1 സെന്റ് കുറഞ്ഞു. ഇതോടെ ഇവിടുത്തെ പുതിയ കുറഞ്ഞ ഡീസല്‍ വില ലിറ്ററിന് 195.1 സെന്റായി മാറി. അതേസമയം സാധാരണ പെട്രോള്‍ വിലയില്‍ മാറ്റമില്ല. ഹാലിഫാക്‌സില്‍ പെട്രോള്‍ വില ലിറ്ററിന് 169.8 സെന്റായി തുടരുന്നു. കേപ് ബ്രെറ്റനില്‍ പുതിയ ഡീസല്‍ വില ലിറ്ററിന് 197.0 സെന്റും പെട്രോള്‍ വില 171.8 സെന്റുമാണ്.

പ്രിന്‍സ് എഡ്വേര്‍ഡ് ഐലന്‍ഡ്

പ്രിന്‍സ് എഡ്വേര്‍ഡ് ഐലന്‍ഡില്‍ പെട്രോള്‍, ഡീസല്‍ വിലകളില്‍ ഒരുപോലെ കുറവുണ്ടായിട്ടുണ്ട്. ഡീസല്‍ വിലയില്‍ ലിറ്ററിന് 6.9 സെന്റിന്റെ കുറവാണ് രേഖപ്പെടുത്തിയത്. ഇതോടെ പുതിയ കുറഞ്ഞ ഡീസല്‍ വില ലിറ്ററിന് 211.5 സെന്റായി. ഇവിടുത്തെ സാധാരണ പെട്രോള്‍ വില ലിറ്ററിന് 3.4 സെന്റ് കുറഞ്ഞ് 182.2 സെന്റിലെത്തി.

ന്യൂബ്രണ്‍സ്വിക്ക്

മറ്റ് പ്രവിശ്യകളില്‍ വില കുറഞ്ഞെങ്കിലും ന്യൂ ബ്രണ്‍സ്വിക്കില്‍ ഞായറാഴ്ചയ്ക്ക് ശേഷം ഇന്ധനവിലയില്‍ മാറ്റമൊന്നും വന്നിട്ടില്ല. പ്രവിശ്യയിലെ പരമാവധി പെട്രോള്‍ വില ലിറ്ററിന് 176.5 സെന്റായും ഡീസല്‍ വില ലിറ്ററിന് 212.2 സെന്റായും മാറ്റമില്ലാതെ തുടരുന്നു.