ഓട്ടവ : മരക്കഷണങ്ങൾ കണ്ടെത്തിയതിനെ തുടർന്ന് കാനഡയിലുടനീളം വിറ്റഴിച്ച വിവിധ ബ്രാൻഡുകളുടെ സൂപ്പുകൾ തിരിച്ചു വിളിച്ചതായി കനേഡിയൻ ഫുഡ് ഇൻസ്പെക്ഷൻ ഏജൻസി അറിയിച്ചു. ലോംഗോസ്, ലോംഗോയുടെ സിഗ്നേച്ചർ, കോ-ഓപ് ഗോൾഡ്, ഫ്രം ഔർ ഷെഫ് തുടങ്ങിയ ബ്രാൻഡുകളുടെ തായ് ചിക്കൻ സൂപ്പ്, ചിക്കൻ തായ് സൂപ്പ്, ലൈം ക്രീം, കോക്കനട്ട് ചിക്കൻ തായ് സൂപ്പ് എന്നിവയാണ് തിരിച്ചു വിളിച്ചവയിൽ ഉൾപ്പെടുന്നത്.
ബ്രിട്ടിഷ് കൊളംബിയ, ആൽബർട്ട, സസ്കാച്വാൻ, ഒൻ്റാരിയോ, കെബെക്ക്, ന്യൂബ്രൺസ്വിക് പ്രവിശ്യകളിൽ ഇവ വിതരണം ചെയ്തതായി ഫെഡറൽ ഏജൻസി അറിയിച്ചു. ബാധിച്ച ഉൽപ്പന്നങ്ങൾ ഉപയോഗിക്കുകയോ വിൽക്കുകയോ വിതരണം ചെയ്യുകയോ അരുതെന്ന് CFIA നിർദ്ദേശിച്ചു.
