റെജൈന : ശക്തമായ ന്യൂനമർദ്ദത്തെ തുടർന്ന് സസ്കാച്വാനിലുടനീളം കനത്ത മഞ്ഞുവീഴ്ചയും ശീതക്കാറ്റും ആഞ്ഞടിക്കുമെന്ന് എൻവയൺമെൻ്റ് ആൻഡ് ക്ലൈമറ്റ് ചേഞ്ച് കാനഡ (ECCC) മുന്നറിയിപ്പ് നൽകി. പ്രിൻസ് ആൽബർട്ട് മുതൽ തെക്കുകിഴക്കൻ എസ്റ്റെവാൻ വരെ നീളുന്ന പ്രദേശത്ത് കനത്ത മഞ്ഞുവീഴ്ചയാണ് കാലാവസ്ഥാ പ്രവചനത്തിലുള്ളത്. വ്യാഴാഴ്ച രാവിലെയോടെ 25 മുതൽ 35 സെൻ്റീമീറ്റർ വരെ കനത്ത മഞ്ഞുവീഴ്ച പ്രതീക്ഷിക്കുന്നു. സതേൺ-സെൻട്രൽ സസ്കാച്വാനിലുടനീളം മുന്നറിയിപ്പ് ബാധകമായിരിക്കും.
മഞ്ഞ് വീഴാൻ തുടങ്ങുന്നതിനാൽ യാത്ര “അപകടകരമാകാൻ സാധ്യതയുണ്ട്”. ദൃശ്യപരതയിലെ പ്രശ്നങ്ങൾ പ്രതീക്ഷിക്കുന്നു, കൂടാതെ യൂട്ടിലിറ്റി തടസ്സങ്ങൾക്കൊപ്പം റോഡ് അടച്ചിടാനും സാധ്യതയുണ്ട്, കാലാവസ്ഥാ വകുപ്പ് അറിയിച്ചു. അനാവശ്യ യാത്രകൾ ഒഴിവാക്കണമെന്നും അധികൃതർ നിർദ്ദേശിച്ചു. തിങ്കളാഴ്ച രാത്രി മുതൽ ആരംഭിച്ച മഞ്ഞുവീഴ്ചയും മണിക്കൂറിൽ 70 കിലോമീറ്റർ വേഗത്തിലുള്ള കാറ്റും ചൊവ്വാഴ്ചയും തുടരും. അതേസമയം കാറ്റ് ചൊവ്വാഴ്ച വൈകുന്നേരത്തോടെ ശമിക്കുമെന്ന് പ്രതീക്ഷിക്കുന്നു.
