ചെന്നൈ: തമിഴ്നാട് നിയമസഭാ തിരഞ്ഞെടുപ്പില് രേഖപ്പെടുത്തിയ റെക്കോര്ഡ് പോളിങ് ശതമാനം സംസ്ഥാനത്തെ പ്രമുഖ രാഷ്ട്രീയ പാര്ട്ടികളെ കടുത്ത ആശങ്കയിലാക്കുന്നു. ഭരണകക്ഷിയായ ഡിഎംകെയും പ്രധാന പ്രതിപക്ഷമായ എഐഡിഎംകെയും വിജയപ്രതീക്ഷ പുലര്ത്തുമ്പോഴും, നടന് വിജയ്യുടെ തമിഴക വെട്രി കഴകം (ടിവികെ) സൃഷ്ടിച്ചേക്കാവുന്ന അട്ടിമറിയാണ് ഇത്തവണത്തെ പ്രധാന ചര്ച്ചാവിഷയം.
ഉയര്ന്ന പോളിങ് ശതമാനം തങ്ങളുടെ ഭരണത്തോടുള്ള ജനപിന്തുണയും കേന്ദ്രസര്ക്കാരിനെതിരെയുള്ള വികാരവുമാണെന്ന് ഡിഎംകെ വിലയിരുത്തുമ്പോള്, ഇത് ഭരണവിരുദ്ധ തരംഗമാണെന്നാണ് എഐഡിഎംകെ-ബിജെപി സഖ്യത്തിന്റെ അവകാശവാദം. എന്നാല് യുവവോട്ടര്മാര്ക്കിടയില് വിജയ് സ്വാധീനം ഉറപ്പിച്ചിട്ടുണ്ടെങ്കില് അത് ഇരുമുന്നണികളുടെയും വോട്ട് ബാങ്കുകളില് വിള്ളലുണ്ടാക്കുമെന്നുറപ്പാണ്. ദ്രാവിഡ രാഷ്ട്രീയത്തിലെ ഈ ത്രികോണ പോരാട്ടം ആരെ തുണയ്ക്കുമെന്നറിയാന് ആകാംക്ഷയോടെ കാത്തിരിക്കുകയാണ് തമിഴകം.
