2026 ഫിഫ ലോകകപ്പിൽ ചരിത്രനേട്ടവുമായി ഈജിപ്ത്. മുഹമ്മദ് സലായുടെ തകർപ്പൻ പ്രകടനത്തിന്റെ മികവിൽ ന്യൂസിലൻഡിനെ 3–1ന് തോൽപ്പിച്ച് ലോകകപ്പ് ചരിത്രത്തിലെ ആദ്യ ജയം ഈജിപ്ത് സ്വന്തമാക്കി. ഗ്രൂപ്പ് ജിയിൽ നടന്ന മത്സരത്തിൽ പിന്നിൽ നിന്നാണ് ഈജിപ്തിന്റെ തിരിച്ചുവരവ്.
ആദ്യ പകുതിയിൽ ഫിൻ സർമാന്റെ ഹെഡറിലൂടെ ന്യൂസിലൻഡ് ലീഡ് നേടിയിരുന്നു. എന്നാൽ രണ്ടാം പകുതിയിൽ മത്സരത്തിന്റെ ഗതി മാറി. മുഹമ്മദ് ഹാനിയുടെ ക്രോസിൽ നിന്ന് മൊസ്തഫ സിക്കോ സമനില ഗോൾ നേടി. തുടർന്ന് സിക്കോയുമായുള്ള കൂട്ടുകെട്ടിലൂടെ സലാ ഗോൾ നേടി ഈജിപ്തിനെ മുന്നിലെത്തിച്ചു. പിന്നീട് കോർണറിൽ നിന്ന് മഹ്മൂദ് ട്രെസെഗെയ്ക്ക് ഗോൾ ഒരുക്കിക്കൊടുത്ത് വിജയം ഉറപ്പിക്കാനും സലാ നിർണായക പങ്കുവഹിച്ചു.
ഈ വിജയത്തോടെ ഈജിപ്ത് നാല് പോയിന്റുമായി ഗ്രൂപ്പ് ജിയിൽ ഒന്നാം സ്ഥാനത്തെത്തി. ബെൽജിയവും ഇറാനും ഗോൾരഹിത സമനിലയിൽ പിരിഞ്ഞതോടെ അടുത്ത മത്സരം ഈജിപ്തിന്റെ നോക്കൗട്ട് പ്രതീക്ഷകൾക്ക് നിർണായകമാകും. ന്യൂസിലൻഡ് ഇനി ബെൽജിയത്തെ നേരിടും.
