ടൊറന്റോ: അമേരിക്കന് പ്രസിഡന്റ് ഡോണള്ഡ് ട്രംപ് ‘ലേക് ഒന്റാരിയോ’യുടെ പേര് ‘ലേക് അമേരിക്ക’ എന്ന് മാറ്റിയതിനെതിരെ പ്രതിഷേധം ശക്തമാകുന്നു. ട്രംപിന്റെ പ്രഖ്യാപനത്തിന് മറുപടിയായി ഒന്റാരിയോ പ്രീമിയര് ഡഗ് ഫോര്ഡ് വിനോനയില് ‘ലേക് ഒന്റാരിയോ – ഇന്നും എന്നും’ എന്ന് ആലേഖനം ചെയ്ത കൂറ്റന് ബോര്ഡ് അനാച്ഛാദനം ചെയ്തു. ട്രംപിന് ഏതു പേര് വേണമെങ്കിലും വിളിക്കാമെന്നും എന്നാല് ഈ തടാകത്തിന് ലോകം എന്നും ‘ലേക് ഒന്റാരിയോ’ എന്ന് തന്നെയായിരിക്കും വിളിക്കുകയെന്ന് ഫോര്ഡ് മാധ്യമങ്ങളോട് പറഞ്ഞു.
കാനഡയും യു.എസും തമ്മില് ഓഗസ്റ്റ് 21-ന് നടന്ന വ്യാപാര ചര്ച്ചകള് പരാജയപ്പെട്ടതിന് പിന്നാലെയാണ് ഇരുരാജ്യങ്ങളും തമ്മിലുള്ള നയതന്ത്ര ബന്ധം വഷളായത്. ഇതിനുശേഷമാണ് തടാകത്തിന്റെ പേരുമാറ്റിക്കൊണ്ടുള്ള എക്സിക്യൂട്ടീവ് ഉത്തരവില് ട്രംപ് ഒപ്പുവെച്ചത്. വിഷയത്തില് പ്രതികരിച്ച് കനേഡിയന് പ്രധാനമന്ത്രി മാര്ക്ക് കാര്ണിയും രംഗത്തെത്തി. ഈ തടാകം കനേഡിയന്മാര്ക്ക് ഇന്നും എന്നും ലേക് ഒന്റാരിയോ തന്നെയായിരിക്കുമെന്ന് കാര്ണി വ്യക്തമാക്കി. വിഡ്ഢിത്തം നിറഞ്ഞ നടപടിയെന്നാണ് നോവസ്കോഷ പ്രീമിയര് ടിം ഹൂസ്റ്റണ് ട്രംപിന്റെ തീരുമാനത്തെ പരിഹസിച്ചത്.
അമേരിക്കന് ഏജന്സികളുടെ ഔദ്യോഗിക മാപ്പുകളിലും ഡാറ്റാബേസുകളിലും പേരുമാറ്റം പ്രാബല്യത്തില് വരുത്താനാണ് ട്രംപിന്റെ നിര്ദേശം. എന്നാല് കാനഡയുടെ പരമാധികാരത്തിന്മേലുള്ള കടന്നുകയറ്റം അനുവദിക്കില്ലെന്നും ഭീഷണികള്ക്ക് മുന്നില് തലകുനിക്കില്ലെന്നും ഫോര്ഡ് കൂട്ടിച്ചേര്ത്തു.
