ബ്ലഡ് ഡോണർമാരുടെ കുറവ് പരിഹരിക്കാൻ കാമ്പയിൻ സംഘടിപ്പിക്കാൻ ഒരുങ്ങി കനേഡിയൻ ബ്ലഡ് സർവീസസ്. ഈ വർഷാവസാനത്തോടെ രാജ്യത്തുടനീളം 100,000 പുതിയ ഡോണർമാരെ കണ്ടെത്തുക എന്ന ലക്ഷ്യത്തോടെയാണ് കാമ്പയിൻ ഒരുക്കുന്നതെന്ന് കനേഡിയൻ ബ്ലഡ് സർവീസസ് വ്യക്തമാക്കി.
സാമൂഹിക അകലം പാലിക്കൽ നടപടികൾ സ്വീകരിച്ചതിനാൽ പാൻഡെമിക് ഉൾപ്പെടെ നിരവധി ഘടകങ്ങൾ ഡോണർമാരുടെ ഇടിവിന് പിന്നിലുണ്ടെന്ന് കമ്മ്യൂണിറ്റി ഡെവലപ്മെന്റ് മാനേജർ റേച്ചൽ സോളമൻ പറയുന്നു. കാനഡയിലുടനീളം ദാതാക്കളെ ആവശ്യമാണെങ്കിലും, ജനസാന്ദ്രതയും ദാതാക്കളുടെ വൈവിധ്യവും കാരണം നഗര കേന്ദ്രങ്ങളിലാണ് ആവശ്യം ഏറ്റവും പ്രധാനമെന്നും റേച്ചൽ സോളമൻ കൂട്ടിച്ചേർത്തു.
അപൂർവ രക്തമുള്ള രോഗികളുടെ ആവശ്യങ്ങൾ നിറവേറ്റുന്നതിനായി രക്തദാതാക്കളെ കണ്ടെത്താൻ കനേഡിയൻ ബ്ലഡ് സർവീസസ് പരിശ്രമിക്കുന്നുണ്ടെന്നും ബി നെഗറ്റീവും ഒ നെഗറ്റീവും ആയ രക്തഗ്രൂപ്പുകൾക്ക് ആവശ്യക്കാരേറെയാണെന്നും റേച്ചൽ സോളമൻ പറഞ്ഞു.
കനേഡിയൻ ജനസംഖ്യയുടെ ഏഴ് ശതമാനം ആളുകൾക്ക് മാത്രമേ O നെഗറ്റീവ് രക്തമുള്ളൂ, ഇത് സാർവത്രിക രക്തഗ്രൂപ്പാണ്, ഇത് രോഗിയുടെ രക്തഗ്രൂപ്പ് അറിയാത്ത സമയങ്ങൾ ഉൾപ്പെടെയുള്ള ട്രോമയിലും അടിയന്തിര സാഹചര്യങ്ങളിലും സാധാരണയായി ഉപയോഗിക്കുന്നു. “ആരെങ്കിലും രക്തം ദാനം ചെയ്യുമ്പോൾ, അത് ജീവൻ രക്ഷിക്കുക മാത്രമല്ല, ഒരാളുടെ ജീവിതത്തിൽ എല്ലാ മാറ്റങ്ങളും വരുത്തുകയും ചെയ്യുന്നു,” റേച്ചൽ സോളമൻ വ്യക്തമാക്കി.