Sunday, November 22, 2026

കര്‍ക്കിടക മാസത്തിൽ മുരിങ്ങയില കഴിക്കാറില്ല, എന്തുകൊണ്ട്? കാരണം ഇതാണ്…

Moringa leaves are not eaten in the month of Cancer, why? This is because...

അഖില സുരേഷ്

വളരെയധികം ആരോഗ്യ ഗുണങ്ങളുള്ള ഒന്നാണ് മുരിങ്ങ ഇല. എന്നാല്‍, കര്‍ക്കിടക മാസത്തില്‍ മാത്രം ഈ മുരിങ്ങയിലയെ പൊതുവേ ആരും തന്നെ മൈന്റ് ചെയ്യാതിരിക്കുന്നത് കാണാം. ഇതിന് പലകാരണങ്ങള്‍ പറയുന്നവരുമുണ്ട്. എന്നാല്‍ ബാക്കി എല്ലാ മാസത്തിലും മുരിങ്ങയില നന്നായി കഴിക്കുകയും ചെയ്യും. എന്തുകൊണ്ടാണ് ഇത് എന്ന് നമുക്ക് നോക്കാം.

മുരിങ്ങയിലയും അതിന്റെ ഗുണങ്ങളും

നിരവധി വൈറ്റമിന്‍സും അതുപോലെ മിനറല്‍സും അടങ്ങിയിട്ടുള്ള ഒന്നാണ് മുരിങ്ങയില എന്നത്. വൈറ്റമിന്‍ എ, വൈറ്റമിന്‍ സി, അതുപോലെ ബി 2, ബി3, ബി6, ഫോലേറ്റ്, മഗ്നീഷ്യം, അയേണ്‍, കാല്‍ത്സ്യം, ഫോസ്ഫറസ്, സിങ്ക് എന്നിവയെല്ലാം അടങ്ങിയിരിക്കുന്നതിനാല്‍ തന്നെ ഇതെല്ലാം ആരോഗ്യത്തിന് നിരവധി ഗുണങ്ങള്‍ നല്‍കുന്നതാണ്. അതും ഒരു കപ്പ് മുരിങ്ങയില എടുത്താല്‍ തന്നെ അതില്‍ ധാരാളം വൈറ്റമിന്‍സ് അടങ്ങിയിട്ടുണ്ട് എന്നാണ് പറയപ്പെടുന്നത്.

അമിനോ ആസിഡ് ധാരാളമായി അടങ്ങിയിരിക്കുന്നു

മുരിങ്ങയിലയില്‍ മാത്രമായി ഏകദേശം 18 തരം അമിനോ ആസിഡ് അടങ്ങിയിട്ടുണ്ട് എന്നാണ് പറയപ്പെടുന്നത്. ഇ ഓരോന്നും നമ്മളുടെ ശരീരം കൃത്യമായി പ്രവര്‍ത്തിക്കുവാന്‍ വേണ്ട കാര്യങ്ങളും ചെയ്യുന്നുണ്ട്. ഇത് പ്രോട്ടീന്‍ ബ്ലോക്ക് ഉണ്ടാകാതിരിക്കുവാനും സഹായിക്കുന്നു.

ധാരാളം ആന്റി ഓക്‌സിഡന്റ്‌സ് അടങ്ങിയിട്ടുണ്ട്

മുരിങ്ങ ഇലയില്‍ ധാരാളം ആന്റിഓക്‌സിഡന്റ്‌സ് അടങ്ങിയിട്ടുണ്ട്. ഇത് ശരീരത്തിലെ രോഗപ്രതിരോധശേഷി കൂട്ടുന്നതിനും അതുപോലെ, അണുബാധ ഇല്ലാതെ ശരീരം സംരക്ഷിക്കുന്നതിനും ഇത് സഹായിക്കുന്നുണ്ട്. അതുപോലെ, ശരീരത്തിലെ പ്രമേഹം കുറയ്ക്കുന്നതിനും ഹൃദയത്തിന്റെ ആരോഗ്യം സംരക്ഷിക്കുന്നതിനും മുരിങ്ങയില ഉത്തമം തന്നെ. മുരിങ്ങയില കഴിക്കുന്നതിലൂടെ ശരീരത്തിലെ കൊളസ്‌ട്രോള്‍ ലെവല്‍ കുറയ്ക്കുവാന്‍ സാധിക്കും എന്നാണ് പറയുന്നത്.

വയറിന്റെ ആരോഗ്യത്തിന് നല്ലതാണ് മുരിങ്ങയില

മുരിങ്ങയിലയില്‍ ധാരാളം ഫൈബര്‍ അടങ്ങിയിരിക്കുന്നതിനാല്‍ തന്നെ ഇത് വയറിന്റെ ആരോഗ്യത്തിന് അത്യുത്തമമാണ്. അസിഡിറ്റി കുറയ്ക്കുന്നതിനും അതുപോലെതന്നെ, ദഹനം നല്ലരീതിയില്‍ നടക്കുന്നതിനുമെല്ലാം മുരിങ്ങയില കഴിക്കുന്നത് നല്ലതാണ്.

കര്‍ക്കിടകത്തില്‍ എന്തുകൊണ്ട് മുരിങ്ങയിലയോട് ‘നോ’ പറയുന്നു

കര്‍ക്കിടകമാസത്തിലാണ് നമ്മളുടെ പറമ്പില്‍ ലഭ്യമായ വിഭവങ്ങള്‍ വെച്ച് കറികള്‍ ഒരുക്കുന്ന കാലം. എന്നാല്‍, മുരിങ്ങയില മാത്രം ഈ സമയത്ത് ആരും ഉപയോഗിക്കാറില്ല. ഇതിന് കാരണമായി പറയുന്നത് മഴക്കാലത്ത് അന്തരീക്ഷത്തിലെ വിഷം മുരിങ്ങയില വലിച്ചെടുക്കുന്നു എന്നതാണ്. അതിനാല്‍ തന്നെ ഇത് കഴിക്കുമ്പോള്‍ ഈ വിഷം നമ്മളുടെ ശരീരത്തിലേയ്ക്ക് എത്തുന്നു എന്നാണ് പറയപ്പെടുന്നത്.

ഇത് മാത്രവുമല്ല, ഈ സമയത്ത് മുരിങ്ങയില കറിവെച്ചാല്‍ നല്ല കൈപ്പുരുചിയുമായിരിക്കും. പൊതുവില്‍ ഒരു കിണറിനടുത്ത് മുരിങ്ങ നട്ടാല്‍ ആ കിണറ്റിലെ വെള്ളം നല്ലതായിരിക്കും എന്നാണ് പറയപ്പെടുന്നത്. അതായത്, മുരിങ്ങ മരത്തിന് മണ്ണിനേയും അന്തരീക്ഷത്തേയും ശുദ്ധീകരിക്കുവാന്‍ ശേഷിയുണ്ട് എന്നാണ് കരുതപ്പെടുന്നത്.

Advertisement

Stay Connected
16,985FansLike
2,458FollowersFollow
61,453SubscribersSubscribe
Must Read
Related News
error: Content is protected !!