വൻകൂവർ : മുൻ ബ്രിട്ടിഷ് കൊളംബിയ പ്രീമിയർ ജോൺ ഹോർഗൻ്റെ പ്രൊവിൻഷ്യൽ സ്റ്റേറ്റ് മെമ്മോറിയൽ സർവീസ് ഈ മാസം വിക്ടോറിയയിലെ കോൾവുഡിൽ നടക്കും. കാൻസർ ബാധയെത്തുടർന്ന് നവംബറിൽ മരണമടഞ്ഞ ഹോർഗനെ അനുസ്മരിച്ച് ഡിസംബർ 15-ന് ക്യു സെൻ്റർ അരീനയിൽ നടക്കുന്ന പരിപാടിയിൽ നാലായിരത്തോളം പേർ പങ്കെടുക്കുമെന്ന് പ്രീമിയർ ഡേവിഡ് എബിയുടെ ഓഫീസിൽ നിന്നുള്ള പ്രസ്താവനയിൽ പറയുന്നു.
2022-ൽ സ്ഥാനമൊഴിയുന്നതിന് മുമ്പ് അഞ്ച് വർഷം ബ്രിട്ടിഷ് കൊളംബിയ ന്യൂ ഡെമോക്രാറ്റ് പ്രീമിയറായി സേവനമനുഷ്ഠിച്ച ഹോർഗൻ, കഴിഞ്ഞ വർഷം ജർമ്മനിയിലെ കാനഡയുടെ അംബാസഡറായി നിയമിതനായിരുന്നു. ജൂണിൽ, തൈറോയ്ഡ് കാൻസർ കണ്ടെത്തിയതിനെത്തുടർന്നാണ് നയതന്ത്ര പദവിയിൽ നിന്ന് അദ്ദേഹം അവധിയെടുത്തത്.
