ടൊറന്റോ: വേള്ഡ് മലയാളി കൗണ്സില് (WMC) ഒന്റാരിയോ പ്രൊവിന്സിന്റെ ഈ വര്ഷത്തെ ഓണാഘോഷങ്ങള് സംഘടിപ്പിക്കുന്നു. 2026 ആഗസ്റ്റ് 30-ാം തീയതി ഞായറാഴ്ച അജാക്സിലെ ‘എന്ഡ്ലെസ് ഫണ്’ ഹാളിലാണ് (Endless Fun, 400 Monarch Ave 14) വിപുലമായ പരിപാടികളോടെ ഓണാഘോഷം അരങ്ങേറുന്നത്. ഒന്റാരിയോയിലെ മലയാളി പ്രവാസികള്ക്കായി വലിയൊരു കൂട്ടായ്മ ഒരുക്കുകയാണ് ഈ ആഘോഷത്തിലൂടെ ലക്ഷ്യമിടുന്നത്.
കുടുംബസമേതം പങ്കെടുക്കാവുന്ന ഈ ഓണാഘോഷത്തില് വൈവിധ്യമാര്ന്ന പരിപാടികളാണ് സംഘാടകര് ഒരുക്കിയിട്ടുള്ളത്. പരമ്പരാഗതമായ വിഭവസമൃദ്ധമായ ഓണസദ്യ, പ്രവാസി മലയാളികളുടെ ആവേശം ഉയര്ത്തുന്ന വടംവലി മത്സരം, മുതിര്ന്നവര്ക്കും കുട്ടികള്ക്കുമായി വിവിധ മത്സരങ്ങളും വിനോദപരിപാടികളും, പുതിയ തലമുറയ്ക്ക് കേരളീയ സംസ്കാരം പരിചയപ്പെടുത്തുന്ന മനോഹരമായ സാംസ്കാരിക കലാപരിപാടികള് എന്നിവ ആഘോഷത്തിന്റെ ഭാഗമായി നടക്കും. കേരളീയരുടെ ഐക്യവും സൗഹൃദവും പുതുതലമുറയിലേക്ക് പകര്ന്നുനല്കുക എന്നതാണ് പരിപാടിയുടെ പ്രധാന ലക്ഷ്യം.
ആഘോഷങ്ങളില് പങ്കുചേരുന്നതിനായി മിതമായ നിരക്കിലുള്ള ടിക്കറ്റുകളാണ് നിശ്ചയിച്ചിട്ടുള്ളത്. മുതിര്ന്നവര്ക്ക് 15 ഡോളറും, 6 മുതല് 12 വയസ്സുവരെയുള്ള കുട്ടികള്ക്ക് 12 ഡോളറുമാണ് നിരക്ക്. രണ്ട് മുതിര്ന്നവരും രണ്ട് കുട്ടികളും അടങ്ങുന്ന കുടുംബങ്ങള്ക്കായി 50 ഡോളറിന്റെ പ്രത്യേക ഫാമിലി പാക്കേജും ഒരുക്കിയിട്ടുണ്ട്.
ടിക്കറ്റുകള് മുന്കൂട്ടി ബുക്ക് ചെയ്യുന്നതിനും കൂടുതല് വിവരങ്ങള് അറിയുന്നതിനുമായി (647) 835-6896, (647) 616-7228, (437) 236-4210 എന്നീ നമ്പറുകളില് ബന്ധപ്പെടാവുന്നതാണ്.
