ഓട്ടവ : ജൂലൈയിലെ തുടർച്ചയായി രണ്ടാം എക്സ്പ്രസ് എൻട്രി നറുക്കെടുപ്പ് നടത്തി ഇമിഗ്രേഷൻ, റെഫ്യൂജീസ്, ആൻഡ് സിറ്റിസൺഷിപ്പ് കാനഡ (IRCC). കനേഡിയൻ എക്സ്പീരിയൻസ് ക്ലാസ് (CEC) അപേക്ഷകർക്കായി നടത്തിയ ഈ നറുക്കെടുപ്പിൽ സ്ഥിരതാമസത്തിന് അപേക്ഷിക്കാൻ 3,000 ഉദ്യോഗാർത്ഥികൾക്ക് ഐആർസിസി ഇൻവിറ്റേഷൻ നൽകി. കോംപ്രിഹെൻസീവ് റാങ്കിംഗ് സിസ്റ്റം (CRS) സ്കോർ 518 ഉള്ള അപേക്ഷകരെയാണ് ഈ നറുക്കെടുപ്പിൽ പരിഗണിച്ചത്. ജൂൺ 26-ന് നടന്ന മുൻ CEC നറുക്കെടുപ്പുമായി താരതമ്യപ്പെടുത്തുമ്പോൾ CRS കട്ട്ഓഫ് സ്കോർ 3 പോയിൻ്റ് കുറഞ്ഞു.
ഇന്നത്തെ എക്സ്പ്രസ് എൻട്രി നറുക്കെടുപ്പ് ഈ മാസത്തെ രണ്ടാമത്തെ നറുക്കെടുപ്പാണ്. ജൂലൈ 7-ന് പ്രൊവിൻഷ്യൽ നോമിനി പ്രോഗ്രാം (പിഎൻപി) നറുക്കെടുപ്പും ജൂൺ 26-ന് സിഇസി നറുക്കെടുപ്പും ജൂൺ 23-ന് മറ്റൊരു പിഎൻപി നറുക്കെടുപ്പും നടന്നിരുന്നു. ഇന്നലെ നടന്ന പിഎൻപി എക്സ്പ്രസ് എൻട്രി നറുക്കെടുപ്പിൽ 356 അപേക്ഷകർക്ക് ഐആർസിസി ഇൻവിറ്റേഷൻ നൽകിയിരുന്നു. ഇതുവരെ, 2025-ൽ എക്സ്പ്രസ് എൻട്രി സിസ്റ്റം വഴി IRCC 45,201 ഐടിഎകൾ നൽകിയിട്ടുണ്ട്.
