ഹാമിൽട്ടൺ: പ്രശസ്ത അമേരിക്കൻ റാപ്പർ കാർഡി ബി (Cardi B) സംഗീതനിശയ്ക്കിടെ യുവതിയെ അറസ്റ്റ് ചെയ്ത സംഭവത്തിൽ ലൈംഗികാതിക്രമ ആരോപണത്തെ തുടർന്ന് അന്വേഷണം ആരംഭിച്ച് സ്പെഷ്യൽ ഇൻവെസ്റ്റിഗേഷൻ യൂണിറ്റ് (SIU). ഹാമിൽട്ടണിലെ ടിഡി കൊളീസിയത്തിൽ (TD Coliseum) വെച്ചായിരുന്നു സംഭവം. വേദിയിൽ നിന്ന് ഒരു യുവതിയെ പുറത്താക്കാൻ സുരക്ഷാ ഉദ്യോഗസ്ഥർ പൊലീസിന്റെ സഹായം തേടുകയായിരുന്നു. എന്ത് കാരണത്താലാണ് യുവതിയെ പുറത്താക്കിയതെന്ന് വ്യക്തമല്ലെങ്കിലും, ഇവരെ കൊണ്ടുപോകുന്നതിനിടെ ഉദ്യോഗസ്ഥർ ശാരീരിക ബലം പ്രയോഗിച്ചതായി എസ്ഐയു അറിയിച്ചു.
പൊലീസിന്റെ ഭാഗത്തുനിന്നും ലൈംഗികാതിക്രമം ഉണ്ടായെന്ന പരാതി ഉയർന്ന സാഹചര്യത്തിലാണ് ഏജൻസി അന്വേഷണത്തിന് ഉത്തരവിട്ടതെന്ന് എസ്ഐയു വക്താവ് സ്ഥിരീകരിച്ചു. പൊലീസിന്റെ ഭാഗത്തുനിന്നുണ്ടാകുന്ന ഗുരുതരമായ പരുക്കുകൾ, മരണം, ലൈംഗികാതിക്രമം തുടങ്ങിയവ അന്വേഷിക്കുന്ന പ്രത്യേക സിവിലിയൻ ഏജൻസിയാണ് എസ്ഐയു.
നിലവിൽ സംഭവവുമായി ബന്ധപ്പെട്ട് പ്രത്യേക ഉദ്യോഗസ്ഥരെ ആരെയും പ്രതിപ്പട്ടികയിൽ ഉൾപ്പെടുത്തിയിട്ടില്ല. അന്വേഷണത്തിന്റെ പ്രാഥമിക ഘട്ടത്തിലാണെന്നും കൂടുതൽ വിവരങ്ങൾ ലഭ്യമായിട്ടില്ലെന്നും അധികൃതർ വ്യക്തമാക്കി. സംഗീതനിശയ്ക്കിടെ ഉണ്ടായ ഈ അപ്രതീക്ഷിത സംഭവം ഹാമിൽട്ടണിൽ വലിയ ചർച്ചകൾക്ക് വഴിയൊരുക്കിയിട്ടുണ്ട്.
