ഓട്ടവ: ഓട്ടവയിലെ ഒ-ട്രെയിന് ലൈന് 4 (O-Train Line 4) സര്വീസ് താത്ക്കാലികമായി നിര്ത്തിവെച്ചതായി ഒസി ട്രാന്സ്പോ അറിയിച്ചു. ശനിയാഴ്ച രാവിലെ പുറപ്പെടുവിച്ച സേവന മുന്നറിയിപ്പ് പ്രകാരമാണ് ഈ നടപടി. വിമാനത്താവളത്തെ സൗത്ത് കീസ് സ്റ്റേഷനുമായി ബന്ധിപ്പിക്കുന്ന 4 കിലോമീറ്റര് ദൈര്ഘ്യമുള്ള റെയില് പാതയാണ് ഇപ്പോള് പൂര്ണ്ണമായും തടസ്സപ്പെട്ടിരിക്കുന്നത്.
ട്രെയിന് സര്വീസിന് പകരമായി റൂട്ട് 105-എയര്പോര്ട്ട് ബസ് ഈ റൂട്ടില് സര്വീസ് നടത്തുന്നുണ്ടെന്നും അധികൃതര് വ്യക്തമാക്കി. യാത്രക്കാരുടെ സൗകര്യാര്ത്ഥം വിമാനത്താവളത്തിലേക്കും തിരിച്ചുമുള്ള യാത്രയ്ക്ക് ഈ ബസ് സര്വീസ് ഉപയോഗിക്കാവുന്നതാണ്. സാങ്കേതിക തകരാറുകള് പരിഹരിച്ച് സര്വീസ് എത്രയും വേഗം പുനഃസ്ഥാപിക്കാനുള്ള ശ്രമങ്ങള് നടന്നു വരികയാണെന്ന് ഒസി ട്രാന്സ്പോ അറിയിച്ചു.
