മാരിടൈം പ്രവിശ്യകളില്‍ ഇന്ധനവില വര്‍ധിച്ചു

ഹാലിഫാക്‌സ്: കാനഡയിലെ മൂന്ന് മരിടൈം പ്രവിശ്യകളിലും പെട്രോള്‍ വില ് വര്‍ധിച്ചു. നോവസ്‌കോഷാ, പ്രിന്‍സ് എഡ്വേര്‍ഡ് ഐലന്‍ഡ്, ന്യൂബ്രണ്‍സ്വിക്ക് എന്നീ പ്രവിശ്യകളിലാണ് ഇന്ധനവിലയില്‍ മാറ്റമുണ്ടായത്. എന്നാല്‍ ഡീസല്‍ വിലയില്‍ ചിലയിടങ്ങളില്‍ മാറ്റമില്ലാതെ തുടരുമ്പോള്‍ മറ്റ് ചിലയിടങ്ങളില്‍ നേരിയ കുറവ് രേഖപ്പെടുത്തിയിട്ടുണ്ട്.

നോവസ്‌കോഷാ:

പ്രവിശ്യയിലെ ഹാലിഫാക്‌സ് മേഖലയില്‍ റെഗുലര്‍ സെല്‍ഫ് സര്‍വീസ് പെട്രോളിന് ലിറ്ററിന് 3.6 സെന്റ് വര്‍ധിച്ചു. ഇതോടെ പുതിയ കുറഞ്ഞ വില ലിറ്ററിന് 168.9 സെന്റായി ഉയര്‍ന്നു. എന്നാല്‍ ഇവിടെ ഡീസല്‍ വിലയില്‍ മാറ്റമില്ല. കുറഞ്ഞ ഡീസല്‍ വില ലിറ്ററിന് 185.4 സെന്റായി തുടരുന്നു. അതേസമയം, കേപ് ബ്രെറ്റനില്‍ കുറഞ്ഞ പെട്രോള്‍ വില ലിറ്ററിന് 170.8 സെന്റും ഡീസല്‍ വില 187.3 സെന്റുമായി ഉയര്‍ന്നിട്ടുണ്ട്.

പ്രിന്‍സ് എഡ്വേര്‍ഡ് ഐലന്‍ഡ്:

പ്രിന്‍സ് എഡ്വേര്‍ഡ് ഐലന്‍ഡില്‍ റെഗുലര്‍ സെല്‍ഫ് സര്‍വീസ് പെട്രോളിന് ലിറ്ററിന് 2.8 സെന്റ് വര്‍ധിച്ചു. ഇതോടെ പ്രവിശ്യയിലെ പുതിയ കുറഞ്ഞ പെട്രോള്‍ വില ലിറ്ററിന് 180.4 സെന്റായി. ഡീസല്‍ വിലയിലും ഇവിടെ വര്‍ധനയുണ്ടായിട്ടുണ്ട്. ലിറ്ററിന് 1.1 സെന്റ് വര്‍ധിച്ച് പുതിയ കുറഞ്ഞ ഡീസല്‍ വില 201.1 സെന്റിലെത്തി.

ന്യൂബ്രണ്‍സ്വിക്ക്:

ന്യൂ ബ്രണ്‍സ്വിക്കില്‍ റെഗുലര്‍ സെല്‍ഫ് സര്‍വീസ് പെട്രോള്‍ വില ലിറ്ററിന് 2.1 സെന്റ് വര്‍ധിച്ച് പുതിയ പരമാവധി വില 176.0 സെന്റായി ഉയര്‍ന്നു. എന്നാല്‍ പെട്രോള്‍ വില വര്‍ധിച്ചപ്പോള്‍ ഡീസല്‍ വിലയില്‍ ഇവിടെ കുറവുണ്ടായിട്ടുണ്ട്. ഡീസലിന് ലിറ്ററിന് 5 സെന്റ് കുറഞ്ഞതോടെ പ്രവിശ്യയിലെ പുതിയ പരമാവധി ഡീസല്‍ വില ലിറ്ററിന് 199.8 സെന്റായി മാറി.